Barselgåve til eit vennepar.
Vårt tredje barn brukte nesten ikkje vanleg pysj det fyrste halvåret, ho sov i body med sparkepose rundt føttene. Det funka veldig fint, så sparka ho ikkje så lett av seg dyna, ein slapp lirkinga ut og inn av trange pysjbein og masse knepping oppetter pysjbein ved bleiskift om natta.
Det er ikkje så ofte eg syr nitalsopning til halsopning lenger, fordi den passar best for små barn. Og så små barn har eg ikkje sjølv lenger. Derfor moro å sy til andres små!
Ein liten gut, fekk han, og dermed fekk eg høve til å sy litt baby-klede :-)
Ein body med nitals-opning, ei siklesmekke, og ein pysjpose. Sistnemnte type plagg hadde vi mykje glede av til minstejenta vår (ikkje at det var noko spesielt med henne i høve til dei to eldre syskena, men med dei to kom eg ikkje på å sy pysj-pose…) Lettvint å skifte bleie om natta, og dyna blei ikkje så lett sparka av (mest relevant haust og vinterstid…). Ingen pysj-bein å “gå seg vill i”.
Mønster: Eige på body og pysjpose, begge str. 3 mndr. Maja sitt sikleskjerf-mønster frå boka “Made by me”.
Stoff: Jersey designa av Johanna Ahlard, kjøpt hjå Textart. Blå og grønn einsfarga jersey kjøpt i Sverige? Brent oransje ribb frå Stoff og Stil. Turkus ribb frå Jydsk stoflager. På baksida av smekka er det eitt lag med den turkise ribben.
Link: Her finn du eit eldre innlegg om pysjpose med bl.a. nokre hint om du har lyst til å sy ein sjølv.
A colleague of mine got a son a couple of weeks ago. And I enjoied the opportunity to make som baby clothes :-) The sleep sack is a garment type we liked very much ourselves when we got our third child (never thought of sewing something like that for the first two children). In fact, she wore body and sleepsack every night the first months of her life. I have made a post about a sleepsack earlier, and if you would like to make one yourself, you get some hints how to do it here (the whole post in english, actually :-)
Mønster: Heilt Spesiell og Jubel-boka. Str. 104 i breidda, forkorta til 98 i lengda.
Stoff: Interlock designa av Johanna Ahlard. Kjøpt av Cetho den gong den butikken eksisterte.
Mønster: Eige, men med skulderopning frå boka til Heilt Spesiell og Jubel.
Stoff: Interlock, også denne kjøpt av Cetho.
Denne halsopninga har ikkje vore min favoritt estetisk sett. Men den er så rask å sy at den redda bodyen frå å ligge umontert. Det var så raskt at eg til og med fekk tiltakslyst til å setje på eit merke framme, noko som i utgangspunktet ikkje var aktuelt.
Interlock har gått litt av moten, har eg inntrykk av, nå er det mest (singel-)jersey å finne når det gjeld stoff med print. Eg brukar ikkje interlock mykje sjølv heller. Her er nokre ord om (bomulls-)interlockens eigenskaper: Interlocken er dobbelstrikka, og er dermed litt tykkare enn jersey. Det gjer også at den ikkje rullar seg i kantane, og det gjer den mykje meir handterleg å sy av. Den vidar seg lett i breidda, men trekkjer seg ikkje like godt saman att, slik jersey gjer. Interlock kan derfor av og til bli litt “slaskete”, men den fungerer veldig fint på tettsitjande plagg som bodyar og singlettar. Då føyer den seg fint etter kroppen, og blir ikkje sitjane som eit pølseskinn på samme måten som jersey kan gjere om plagget er litt smalare enn kroppen. Nokre ord om tøyelegheit i lengda høyrer også med, for interlocken strekkjer seg veldig lite i lengda. Det er medverkande grunn til at den er lettare å sy i enn jersey; saumen bølgar seg ikkje like lett. Men det gjer også at eit barn ikkje kan vekse like lenge i ein interlock-body eller –sparkedress enn i ein av jersey. Korleis ser ein forskjell på interlock og jersey i praksis? Om ein ser nøye på stoffet, har det vertikale riller både på fram- og baksida. Vranga kan gjerne brukast som rettside (einsfarga/gjennomfarga stoff har ikkje noko rette og vrange). Jerseyen har berre vertikale, tynne striper på rettsida, medan det har meirhorisontale, løkkeaktige riller på baksida, ein miniatyrversjon av ein klassisk, heimestrikka ullgenser.
Interlock vs. jersey del II (25/5-14):
I Norge brukar vi berre å seie “interlock” og “jersey”, men eigentleg er “jersey” eit vidare namn på strikka stoff, som omfattar både interlock og jersey (utan at eg kan så veldig mykje meir om stoffstrikking enn dét…) Så i utlandet kan ein sjå at interlock kallast for “interlock jersey”, og det vi kallar for jersey for “single jersey”. Kanskje nokon som har gått og stussa på dette?
Elles er det lettare å forklare forskjellen på baksida ved hjelp av bilete i tillegg til berre ord:
Om vi ser litt nærare:
 Ganske så likt på rettsida og vranga, ikkje sant? Legg også merke til at klippekanten ikkje rullar seg. Dette bidrar også til at det er lettare å sy i interlock enn jersey. Klikk på biletet for å forstørre det :-) |  Her er baksida på jerseyen, nokon som kjenner den att frå ein av sine heimestrikka gensererar? :-) og klippekanten, den rullar seg… Framsida er ikkje så allverdens ulik interlocken. Og for ordens skuld: I båe stoffa er stretchen (hovudsakeleg) sidevegs, og “trådretninga” nedover. (Men mange jersey stoff har mykje stretch i lengderetninga også). |
Ha ein fin kveld, nokon som skal sjå Selfridge’s, kanskje? :-) (Det skal eg!)
Eg er eigentleg ikkje så glad i raglanbodyar og –genserar. Til meg sjølv passar det dårleg fordi det framhevar skrånande skuldrar. Til barn blir det fort litt dårleg passform rundt halsen, synest eg.
Men: Ein fordel med raglan er at det passar fint under ermelause kjolar, så kan ein ha ein farge på mage/rygg og ein annan på ermane utan at det blir uryddig i opninga for armen. Sånn teoretisk sett, i allefall, eg har ikkje prøvd i praksis ennå. (Men det er planen å teste ut ;-)
Og: ein kan ha andre halsopningar med raglan enn med set-in-sleeves, kva nå det heiter på norsk. Og det var dette eg hadde tenkt eg skulle teste ut på denne bodyen. Slik skulle den bli (bilete av Heilt Spesiell og Jubel si bok):
Men då eg hadde kanta rundt halsutringinga, fann eg ut at eg hadde gløymt å kante heile raglansaumen. Jaja, sånn kan det gå. Men bodyen var vid nok til å gå over hovudet utan knepping, så eg sydde den berre saman utan knepping. Og fekk dermed ein saum i kantebandet framme. Litt irriterande, i allefall om det skulle føre til at ein tar bodyen på bak fram. Slike skøytar i kantebandet brukar nemleg å vere bak… Så eg sette på ein liten bit vevd band og ein knapp. Sånn, så var det ordna! Så får eg inne ut seinare korleis det blir å kante den krappe svingen mellom halsutringing og raglansaum…
I’m not very fond of raglan sleeves. But I guess they are nice on sweaters to be used under sleeveless dresses, because it makes a more tidy impression of the shoulder area when you don’t have that shoulder seam. And, you can have different types of neclines. I wanted to try the neckline on the picture above (from the book of Heilt Spesiell and Jubel). The problem is, that I forgot to bind the raglan portion of the neckline opening. Well, the neckline was wide enough to be stitched together without buttons, and so I did. Leaving a conection in the rib at the front of the body. I covered the connection with a little piece of ribbon and a button; problem solved! (Easy to say now, a few days later, but at that time I was frustrated that a body that was supposed to be a quick project, became a very slow project ;-)
Kanting: Eg brukte ein veldig mjuk interlock (JNY). Drog fram eit kantebandsapparat eg nesten aldri har brukt før (uoriginalt type A, 1 3/16”/2,9 cm klippebreidde). Det stod tre nåler i maskina frå før, eg synest det er kjedeleg å skru ut nåler, så kvifor ikkje berre prøve kanting med tre nåler? Jo’a, fint det. I allefall på rette strekningar, men stoffet blei litt for mykje strekt og halsutringinga dermed litt for vid (sjå action-biletet lenger oppe). Mange årsaks-faktorar som kan ha spelt inn her, ikkje godt å seie kva som var viktigast.
Storleik: 92 centilong. Jenta er omtrent så høg (har ikkje målt henne på år og dag :-). Bodymodellen er smal, det er ikkje jenta mi. Så bodyen er sydd i str. 98, front- og bakstykke blei forkorta med 2,5 cm og i tillegg nokre få millimeter nedst. Ermane forkorta oppunder 2 cm. Det blei igrunnen bra lengde, det.
Stoff: Textart.
Eg veit det er mange som har sydd av Heilt Spesiell-bodymønsteret før meg, kommenter gjerne om de har gode tips :-)
 |  |
Dette settet var det jammen stor stas med! Det var ikkje få gongene jenta sa “hessst!” etter å ha fått bodyen på! Hesten er klipt ut av vinyl transfer og strykt på. Mønsteret på buksa er frå Ottobre 3/2013, modell nr 7. Eg klipper av ein cm på toppen av framstykket, synest buksa heng betre då.
Oh joy! The little girl said “hessst!” plenty of times after getting this bodysuit on. “Hest” means “horse”, maybe you have guessed it already ;-) The horse is made of vinyl transfer. The pattern for the pants are from Ottobre 3/2013, design no 7. I have modified the pattern slightly by cutting a cm from the top of the frontpiece, I think the fabric falls/drapes better when doing that.
Fabrics: Stoff og Stil
Ny body til minstejenta, og éin til ei lita venninne. Deileg og mjuk bambusjersey!
Mønster: Eige
Stoff:
-Bambusjersey (70% bambus, 30% bomull) kjøpt hjå Cetho
-Ribb frå Stoff og Stil
Ho fekk ein body i bursdagsgåve:
Eg diggar dette stoffet frå Ixat på Etsy, eg kunne tenkt meg meir av det, men nå er ho dessverre utselt (får ho inn meir seinare, tru?). Bodyen er kanta med ribb, bortsett frå nedst, der den er kanta med interlock så kanten ikkje skal krølle seg så mykje. (Men det gjer kanskje ikkje noko om bodykanten mellom beina krøllar seg litt, den blir jo strekt når bodyen er på??).
Knepping i skuldra, sydd etter denne metoden.
Og så fekk eg meg trykte satenglappar med vaskesymbol for litt sidan, desse er frå labelman.no, men eg kjøpte samtidig liknande lappar hjå carelabels.co.uk på Ebay her til ein mykje billigare penge, og med fleire moglegheiter i design/fontar o.l. Båe firma leverte lynkjapt!
Mønster: Eige
Stoff: Jersey frå Ixat på Etsy.com. Ribb frå Stoff og Stil. Knappar frå KAM (Lykkedragen.no, Etsy eller Ebay). Satenglappar frå labelman.no
