Det finst fleire måtar å fjerne ein firetråds overlocksaum på, til dømes om ein klarer å få tak i og dra ut trådane frå nålene, skal det kunne gå fint, men i praksis synest eg dette er vanskeleg.
Så her er måten eg gjer det på, steg for steg.
Fyrst: Slik ser ein firetråds-overlocksaum ut frå oversida, der vi ser tråden frå venstre nål nedst, litt lenger opp tråden frå høgre nål, og på tvers tråden frå øvre gripar:
Og på undersida ser det slik ut, der er det nesten berre tråden frå nedre gripar som synst.
1. Sprett opp den yttarste delen av øvre gripartråden, den kan godt sprettast opp heilt i kanten av stoffet, men unngå å kutte løkkene på nedre gripartråd.
Når du har gjort dette, vil undersida sjå slik ut, med frigjorte løkker i nedre gripartråd:
2. Ta tak i nederste del av nedre gripar-tråd i eit sting, utan å kutte tråden. Nå kan du dra heile nedre gripar-tråden av (så lenge alle løkkene langs kanten er frie).
Når du har gjort dette, ser det slik ut:
3. Snu stoffet til oversida av overlock-saumen. Nå skal trådane frå både venstre og høgre nål vere frie til å bli dregne av. Dra dei av.
Og det vil sjå slik ut, med berre lause bitar frå øvre gripar-tråden att:
4. Desse trådbitane fjernast fort og greitt med ein teip-bit eller “klister-klesbørste”:
Dessverre kom også dette tipset til nytte ;)
SvarSlett