28.10.2011

Velourtunika til ein hemmeleg venn!

På syforumet www.sykroken.net har vi innimellom “hemmeleg venn-rundar” der vi får tildelt ein person vi skal sende gåve til. Veldig moro! Denne gongen var eg hemmeleg venn til ei som blant anna har ei tre år gamal dotter. Så eg sydde ein tunika i ulike lillatonar til jenta.

DSC_0762

Eg kosar meg når eg får kombinere mange ulike stoff i plagg, og denne tunikaen var ikkje noko unnatak! Nitalsopning finn du forresten tutorial på i tutorial-lista.DSC_0766

DSC_0765

Mønster: Eige. Armane er forlenga litt, sidan jenta er lang og tynn.

Stoff:
-Sky-velour,  Cetho Designs
-Prikkete og stripete velour, Stofstedet.dk
-Beige velour, Stoff og Stil
-Stropete ribb, Stof2000

Posebukse–posete både her og der

DSC_0399
Posebukse er på moten. Posebukser på små jenter er søtt. Eg vil også lage posebukse!
I Armstrong sitt barnebuksekapittel er det eit avsnitt om korleis ein lagar eit trouser-draft om til eit posebuksemønster. Eg starta utifrå denne metoden, som går ut på å skilje fremre og bakre buksemønsterdel frå kvarandre, like mykje oppe som nede, og i tillegg gjere skrittsaumen litt djupare (ingen sidesaum i ferdig mønster). Som på skissa under (det oransje leggast til, det blå trekkast ifrå).posebuksemønster
Eg sydde nokre prøvebukser, i starten med tanke på bukselengde. Men eg blei ikkje fornøgd, buksene blei for posete rundt livet, og strutta for mykje utover øvst. Ikkje så stilig på mine barn, i allefall. Ei av desse buksene sjåast til venstre på biletet under. Så sydde eg ei bukse etter samme mønsteret, men la inn tre legg på kvar side (buksa til høgre). Dette synest eg blei betre, men likevel ikkje heilt slik eg såg for meg på førehand.
DSC_0397
Etterpå har eg lånt eit Stoff og Stil-mønster frå ei venninne, for å få innspel. Det er nyttig å samanlikne ulike mønster. Neste posebukseversjon skal få sidesaum som gjer buksa smalare oppe enn nede. Og innersaumane skal ikkje skrå innover som på skissa over, men heller gå rett ned eller utover.
Tilbake til den rosa buksa:

posebukse
Legga blei sydd ned for at dei ikkje skulle lyfte buksa bort frå kroppen. På vranga blei det sjåande slik ut:

DSC_0395
Så sydde eg på den eine ribben ved ankelen, og –oupps- feil veg, rette mot vrange i staden for rette mot rette! Eg gadd ikkje fikse det, og sydde like så godt den andre likeså. For å skjule saummonnen sydde eg på foldover elastic. Ikkje så aller verst resultat av redningsoperasjonen på den skadeskotne buksa.

DSC_0393
Buksebeina blei forresten rynka litt saman med vanleg rynketråd før ribben blei sydd på. (berre litt, ikkje meir enn at foten lett kjem gjennom).
Stoff og tilbehør:
Mørk bukse: Småblomstrete babycord og ribb frå Stoff og Stil
Rosa bukse: Tynn, trykt stretchcord frå www.Fabric.com. Ribb frå Stoff og Stil. FOE frå Ebay.

27.10.2011

Understanding Aldrich

Winifred Aldrich’s books are said not to be books for beginners, and as a beginner, I guess I concur. Here is what has been my biggest problem so far (Children’s wear and babywear):

What does “1/4 chest plus 6 cm;” mean? Does it mean “first divide the measure by four, and then add 6 cm” OR “first add 6 cm to the chest measure, then divide by four”? Maybe obvious to somebody, but not to me. This terminology is “everywhere” in the book, and has been a teaser to me. Now I think I have found the answer, but I have to redraw some drafts.

It all started at my first draft; Overgarment block, size 3 months. First, I wasn’t sure what “overgarment” meant, was it like a sweater to wear over the underwear, or was it like an outdoor jacket to wear over the sweater? Later, I realized that it was the latter. Second, I didn’t know how much ease the drafts included in general. Anyway, the thing is that I thought that 6 x 4= 24 cm ease was way too much for a jacket to an 3 months old baby, and therefore I supposed it meant a total of 6 cm ease around the chest. And I continued in the way “first add/substract, then divide”, but always with a little question mark in mind. Recently, when drafting a body block size 4, the shoulder slopes became suspisiously steep, and I started looking for clues around in the book (children’s wear) to what method is right. And I came to the opposite conclusion: “First divide, then add/substract”. And yesterday I took a look in the Women’s wear-book, and guess what I found?!? P. 16; close fitting bodice block: “half bust plus 5 cm [i.e. for 88 cm bust: (88 ÷ 2) + 5 = 49].” Hurrah! So if there is consistency in this, then the answer is clear:

First divide the measure, then add or substract.

I searched around on the internet to find info about this issue, but didn’t find anything. That could mean that I’m the only one in the whole world who misunderstood the book, but if you too have found it difficult to understand, I hope this blog post will help you.

24.10.2011

Bondebluse i glade fargar

Denne blusa blei laga til bruk for ein selekjole (sjå bilete lenger nede) før helgas kombinerte dåps- og treårsdag-feiring. Eg synest stoffet er morosamt (løgleg ;-), men min mann, som eg er takksam for å kunne konsultere om syprosjekta mine, sa “hippie-bluse; passar ikkje til kjolen!” Så då gjekk  eg og kjøpte ei kvit bluse til kjolen…
Her er “hippie-blusa”:
 DSC_0426
DSC_0418
DSC_0423
Og her er kjolen som til slutt fekk kvit bluse (denne kjolen er sydd for ei god stund sidan…)
DSC_0657
DSC_0659
Kjolen er pynta med fiskestoff; ein rund lapp framme og ein rektangulær lapp bak. Båe lappane er kanta med skråband (det turkise laga sjølv med skråbandsbrettar) før dei er sydd på stoffet.
Mønster, bluse: Sjølv-teikna
Materiale, bluse: Trykt bomull frå IKEA (ferdigklipte lengder i barne-sengetøy-avdelinga)
Mønster, selekjole: Utgangspunktet var eit Ottobremønster som eg endra ein god del på i skjørtet, for deretter å pynte kjolen etter eigen stil
Materiale, selekjole: Mørkelilla stretch-fløyel kjøpt hjå Midha Enterprise, Oslo. Skråband frå Stoff og Stil. Trykt bomull med fiskemotiv frå ein lokal butikk. Pingvin-knappar frå ein nå nedlagt butikk.

Dåpskjolen i bruk!

I går blei minstejenta døypt! Ein stor og viktig dag for jenta sjølv, og vi andre hadde også ein flott dag saman med familie og vener. Her er eit bilete av meg og jentungen i kyrkja:

DSC_0491beskjært

Eige innlegg om dåpskjolen finn de her. Dåpslua var ikkje sydd då eg posta innlegget om kjolen, men her er eit bilete av lua.

DSC_0532

Lua er sydd etter “prøve-seg fram-metoden”, take mål her og der av barnet, sy ein test, justere og sy ein ny. Stoff-bitane såg omtrent slik ut:

dapslue

Lua blei sydd saman som ei slags “prærievogn”, med rynking øvst i bakkant (raude piler). Før rynkinga såg det sånn cirka slik ut, sett bakanfrå:

bakfra

DSC_0761

Eg sydde i strikk over panna og i nakken for at lua skulle passe greitt, og den blei veldig ok til slutt, sjølv om den er enkel.

12.10.2011

Isoli-hettejakke med ribb, glidelås og belegg

Det funkar! I helga har eg site og spretta opp ei jakke for å skjøne korleis ein syr glidelås i jakker som er ufôra, men som har belegg bak glidelåsen og ribb nedst. Dette blei til ein tutorial, denne tutorialen finn du her. Eg måtte prøvesy før eg posta tutorialen, og jakka ser de under her. Eg fekk også hjelp av tutorialen til Kokalal til å skjøne korleis ein syr glidelåsen, tak gjerne ein titt på hennar tutorial også.

DSC_0381

Om mønsteret (str. 110): Eg brukte eit enkelt gensermønster i litt smal modell (samme som denne genseren). La til 1 cm saummonn midt framme på kvar del, dette fann eg ut passar når ein har glidelås der ein vil at taggane skal synst (så kan ein sy glidelåsen på kant i kant med stoffet). Halsutringinga gjorde eg litt djupare, og så sette eg på ei hette. Hetta teikna eg på frihand, for eg fann ikkje heilt ut av dei to hettemodellane i Aldrich-boka. Hette-resultatet er brukbart, men eg kjem nok til å vere på utkikk etter betre mønster framover.

Om glidelåsen: Tutorial finn du her.

DSC_0385

Her er eit par bilete frå monteringa av ribb, utfyllande til skissene i tutorialen:

DSC_0360

DSC_0361

Glidelåsen var litt for kort, så ribben blei ståande aleine nedst. Seinare skal eg stryke på ei stripe strykeinnlegg i ribb-saummonnen, slik at ikkje ribben drar seg i vertikal retning under påsying i slike tilfelle.

DSC_0383

Om halsutringinga: Her har eg sydd på bendelband etter metoden i tutorialen nemnt lenger oppe i innlegget. Bandet går eit par cm utanfor det synlege området på kvar side. Etter å ha sydd den øverste saumen, klipte eg ned saummonnen til ca 0,5 cm, så den skulle bli heilt skjult under det 1 cm-lange bandet.

DSC_0386

Om lommene: Enkle lappar som fyrst er kanta med ei passeleg brei, bretta ribb-remse sydd på rette mot rette med ein del drag i ribben. Stikning. Deretter bretta inn saummonnen oppe og i sida, nåla fast og sydd på. Eg sydde den også fast i saummonnen på jakka langs midten og nedst. Eg brukte kjedesaum på Coverproen. (Cover-maskiner kan ikkje sy i revers, men med kjedesaum/éi nål kan ein alltids stoppe med nåla nede og snu stoffet 180 grader rundt ;-)

DSC_0389

Og… Eg synest desse lappane var søte. For ei stund sidan tråla eg Etsy og Ebay for lappar (labels/tags) til å skrive barnets namn på, desse var dei einaste eg fann (sjå nedst i innlegget). DSC_0387

Konklusjon: Det var veldig moro å få til glidelåsen, men litt for mykje plukk til at kjem til å sy mange slike, trur eg. Vi får sjå.

Stoff og tilbehør:
-Stretch-isoli frå mineti.de
-Hilco-ribb frå Sydilla.no
- Campante frå Hilco/elingeria.de i hetta
-Namnelapp frå RetroNaNa på Etsy
-Storleikslappar frå shushustyle.com
-10 mm breitt bendelband/cotton twill tape frå Stoff og Stil
-35 cm lang glidelås, YKK/Stoff og Stil

Jakke med glidelås, belegg og ribb

-Disseksjon av ei velourjakke

Husets snart tre år gamle jente har hatt eit par industri-laga jakker med glidelås og ribbkant nedst. Fleire gonger har eg spekulert på korleis dei har sydd overgangen mellom jakkestoff, ribb og glidelås nedst på jakkene, utan at eg har skjøna det. Eg har lurt på om eg skulle sprette opp den eine, og etter at eg fekk eit viktig clue til løysinga på mysteriet på bloggen til Kokalal, fann eg ut at eg ville prøve meg på ein aldri så liten “jakke-disseksjon”!

Sakas kjerne: Biletet under viser overgangen mellom ribb, belegg og glidelås:

DSC_0184DSC_0217
(NB: Biletet over er tatt etter at nakkesaumen er spretta opp, og av motsett glidelås-halvdel av det som blir vist i innlegget elles)

Slik syr ein ei jakke som denne:


-Fyrst monterast av sjølve jakka inkludert lommer, men utan ribb, glidelås og hette. Evt. stikningar. Montér hetta (utan å setje den på), og sy falden på framsida av hetta (eller om du skal ha fôra hette; sy inner- og ytterhette saman framme).
-Sy hetta på jakka, rette mot rette (vanleg rettsaum). Om ein vil sy på eit band for å skjule saummonnen i nakken; sjå nedst i innlegget. Biletet under viser hetta til høgre, og midt framme med saummonn for glidelås til venstre. Fremre kanten på hetta syast altså på omtrent kant i kant med overgangen til saummonnen midt framme.
DSC_0210

-Overlock/kast over frie kantar på belegget, merka med gult:belegg
-Sy nedre ende av belegget på enden av ribben, rette mot rette:belegg på ribb

DSC_0221


-Sy ribben på jakka, rette mot rette, men den delen av ribben som har påsydd belegg skal ikkje vere med i saumen (Dei har likevel tatt med hjørnet av belegget i saumen). Betre å forklare med bilete enn ord:
montering ribb2
Altså: Desse tre laga startar ein med. Til venstre på biletet tar ein med alle tre lag i saumen, men til høgre på biletet tar ein berre dei to laga bakerst på biletet med i saumen.
DSC_0212
Saumen blir sjåande slik ut:
DSC_0211




-Deretter kan ein presse saumen, og sy ein stikning, på denne jakka med trippel-topcover, etterpå ser det slik ut:DSC_0209



-Tid for å montere glidelåsen, kvar halvdel for seg: Fyrst syr ein den på sjølve jakka, rette mot rette. Biletet viser toppen av glidelåsen, den øverste enden bretta. Hetta på jakka sjåast til høgre på biletet.
DSC_0207
-Nå skal belegget syast på. På denne jakka har dei klipt eit hakk i saummonnen nedst i ribben.  Sørg for at glidelåsen ikkje er bretta tilbake, slik den er på biletet under (fylg lilla piler). Legg deretter belegget mot den nakne sida av glidelåsen (dvs. beleggets rette mot glidelåsens vrange), slik at ribbens rettsider omfamnar glidelåsenden. Ingen saummonn brettast inn nokon stad.
DSC_0204kompr
-Sy på belegget på glidelåsen, fortset langs hetta opp til skuldersaum (eller her; fremre raglansaum). På biletet har eg berre spretta opp deler av denne saumen.DSC_0200
-På denne jakka har dei sydd over saummonnen i nakken med ein overlocksaum: Sy over glidelåstoppen og saummonnen til toppen av belegg, jakke og hette med overlock, hetta øvst mot syfoten. Alternativet til å sy ein slik saum, er å sy på eit band over saummonnen i nakken (sjå nedst i innlegget). På biletet under er jakka snudd utover, så belegget ligg skjult bakanfor glidelåsen.
DSC_0197
-Vreng belegget og ribben tilbake slik at glidelåstaggane kjem fram.
-Sy ein stikning oppover langs glidelås, vidare langs nakken (stikninga festar hette-saummonnen til jakka), og ned langs andre glidelåshalvdelen. Eventuell hempe eller merkelapp kan festast i denne stikninga.

DSC_0183
-Fest hjørnet av belegget til skuldersaumen (eller fremre raglansaum, som her) med ein liten stikning (saksa er med på biletet berre for illustrasjonens del):
DSC_0196
-Merkelappen i nakken er sydd på til slutt

HER er ei jakke som er sydd like etter denne tutorialen blei laga, og som har utfyllande informasjon om syinga.

Alternativ 2 for å pynte i nakken/skule saummonn:
Ein kan sy på eit band i nakken. På jakka under er bandet sydd på like etter at hetta er sydd på jakka. Den øvste saumen på det rosa bandet går gjennom saummonnen heilt inntil saumen som festar hetta på jakka. Den nederste saumen svarar til stikninga på den grønne jakka, omtalt like ovanfor. Men på denne jakka har dei avbrote stikninga for å få rosa tråd på det rosa bandet. Hempe eller merkelapp kan festast innunder dette bandet.


DSC_0215

06.10.2011

Skjørt i glade fargar!

Her om dagen blei vi bedt i bursdagselskap til ein tre-åring.  Eg nytta sjansen til å teste det nye skjørtemønsteret på interlock, og med seks panel får ein ei god sjanse til å kombinere mange ulike stoff, jippi!

DSC_0116

Biletet over blei ein smule skarpt i fargane, under er det to bilete av skjørtet liggande flatt, framsida fyrst, deretter baksida:

DSC_0112

DSC_0113

Einaste forskjellen som skil framme og bak, er saumen i ribben, så eigentleg kan ein velje sjølv kva ein vil ha framme og bak…

Under er det eit bilete av eigen jentunge med testutgåva av skjørtet, dette skjørtet er sydd i nokså tynn stretch-cordfløyel:

DSC_1076kompr

Mønster:

Eigenteikna. Ribb (Stoff og  Stil sin); livvidde x 0,8 (livvidda tar eg ut frå tabell i Aldrich, som du også kan finne her.) Ribben er 9 cm djup, og startar litt nedanfor livnivå.

Materiale:

Skjørt 1: Interlock frå Cetho, unntatt det oransje med rektanglar på som er kjøpt på Etsy eller Ebay,  www.fabric.com har det også. Ribb frå Stoff og Stil.

Skjørt 2: Trykt stretch-cordfløyel frå www.fabric.com.  Ribb frå Stoff og Stil.

Båe skjørt har foldover elastic 5/8” frå Hobovian på Etsy/Ebay. Sydd på med kantebandsapparat frå Sharpsewing/Ebay på Coverproen, slik blir det sjåande ut:

 DSC_0118

Related Posts Plugin for WordPress, Blogger...