På tide å blogge litt att

Sidan forrige innlegg har vi (Mann, kone, eldstegut på 7 1/2, mellomstejenta på 5 1/2 og minstejenta på 3) flytta frå Oslo til Kristiansand, og deretter har eg “flytta” tilbake til Oslo i form av at eg vekependlar i haust. Hybelen er syrom, og eg har fått sydd litt, sjølv om ettermiddagane og kveldane flyr overraskande fort av stad til andre ting. Men nå, nå skal det bli eit blogg-race!

Her er eit bilete av  hybelen, her ligg eg om natta med hovudputa mellom søyler av fargerike stoff, vel, fargerike så lenge nattlampa er på, i allefall! “Under” biletet er det klippebord/sybord/TV-bord/PC-bord (men alt på éin gong er ein smule vanskeleg ;-) Det er trongt, og syinga går derfor litt seinare enn før, men det går!
 

Og forresten, eg har lyst til å vise fram dei fyrste bileta frå stova vår i Kristiansand, etter at eg måla den kvit i sommar (bileta er tatt med mobilkamera i kveldinga, så veggen ser ikkje heilt kvit ut alle stader, hehe):

Sofaene er utslitte i stoffet, så når vi har funne ut korleis huset vårt skal bli på sikt, skal vi få oss nye. Eller kan det lønne seg å trekkje om, nokon som veit? Dei er gode å sitje i, er liksom for galt å berre kaste dei på dynga…
 

Medan vi har budd i Oslo, har eg samla idéar og drøymt om korleis huset vårt i Kristiansand kan bli, og her er eit par idéar sett ut i livet: Til venstre har eg tapetsert bakplata på vitrineskåpet med tapet frå PIP studio. Eg har kikka i diverse butikkar både fysiske og på nett, det er mange interiørbutikkar som har dei, men som regel berre som bestillingsvare. Då eg kom over tapeten på Maxbo på Alnabru til eit par hundrelappar under det dei kostar elles, klarte eg ikkje å la vere å kjøpe eit par rullar :-) Eg synest det blei akkurat så fint som eg hadde håpa på, jippi, eg frydar meg å sjå på den tapeten! LED-ljoset er frå IKEA.

På biletet til høgre har eg spent opp stoff frå den japanske designaren Echino på målelerret. Og så har eg testa ut korleis det går å spraymåle gardinstenger med turkis Quick bengalack!

Softshell-jakke med blomstereng

Ei av niesene mine har akkurat fylt sju år, og eg klarte å rydde tid til å sy ei jakke til henne. Den er sydd av eit softshell-stoff eg kjøpte sommaren for to år sidan, og nå var det på tide å sy av stoffet! Jakka er dekorert med siste rest av blomster-fotoprint-stoffet som har blitt kjærare og kjærare her i huset.

Mønster: Kåpe frå boka til Heilt Spesiell og Jubel, str. 122. Forkorta fordi eg ikkje hadde lang nok glidelås. Tok vekk litt på ermane også, etter å ha prøvd jakka på eigne barn undervegs. Trur eg tok vekk mellom to og tre cm av ermane. Eldstemann i huset er modell på bileta her, han er ca 130 cm lang, kanskje litt meir også, så får ein eit inntrykk av 122-storleiken. Og så er forresten spissen på hetta fjerna.

Stoff og detaljar: Softshell-stoff frå Jydsk stoflager midt på Jylland. Lilla ribb frå Hilco/Sydilla rundt hette og nedst, lilla ribb frå Stoff og Stil (trur eg) langs glidelås. Fotoprint-stoff frå Stoff og Stil. Refleks-vinyltransfer frå Sydilla.

Lomma er ein lapp som er sydd utanpå jakka, lommeposen er sydd fast i nedre del av glidelåsen før påsying på jakka.

“Detta va et løgleg prosjekt!”

I have made a jacket of softshell-fabric for my niese for her 7 years birthday! The fabric was bought two years ago on our holiday trip to Jylland/Denmark, and now it was time to make something out of it –at last. As somebody might have notices, I rarely use dark grey or black fabrics, so I wanted to add some colour. The last piece of photoprint-flower-fabric did the trick! Reflective vinyl transfer on all “four sides”, since this is a jacket suitable for windy autumn days and evenings, that in Norway tend to be relatively dark. The pocket is a simple piece of fabric that is first stitched to the zipper, then the pocket is stitched to the jacket. The pattern is from a norwegian book written by the sewing bloggers “Heilt Spesiell” og “Jubel”, and according to their style, I have used the coverstitch binder to finish the center front edges before stitching the zipper on.

Monstertruck-t-skjorte til bursdagsbarn

Denne blei sydd for litt sidan, då sjuåringen skulle i bursdag :-)

Mønster: Teikna etter boka til Öberg.
Stoff: Stjerne-jersey og sky-jersey frå JNY Design. Monstertruck-interlock frå Sydilla. Stripete jersey frå Kameleont Design? Ribb frå Jydsk stoflager.

Amerika-jakke

Ikkje at eg var så amerikanskinspirert då eg laga den, men når ein plukkar ut raude, kvite og blå stoff med stjerner og striper, så blir det visst det det blir, hehe!

Mønster/pattern: Heilt Spesiell og Jubel, str. 116

Stoff/fabric: Velour frå litt her og litt der, ribb frå Jydsk stoflager. Jersey i hetta frå Tygladan.se, trur eg.  Det blå bandet i halsutringinga er foldover elastic (FOE).

I wasn’t actually inspired by USA when I made this jacket, but when choosing red, white and blue fabrics with stars and stripes on them, I should have realized what I was gonna get ;-)

Sommarsett frå Ottobre str. 3 år

Klassevenninne 7 år

Eldstemann fekk med seg denne kjolen då han skulle i bursdag til ei i klassa her for litt sidan :-)

Mønster: Heilt Spesiell og Jubel

Stoff: Stripete Campan frå Hilco/Sydilla.no. Blomstrete rosa jersey frå Ixat og einsfarga rosa jersey frå Stoff og Stil. Alle stoffa kjøpt for fleire år sidan. Gul ribb frå Hilco/Sydilla. PS: Ixat har butikk ennå, og sikkert mange spennande stoff nå også (har ikkje vore i nettbutikken på ei god stund). Den jerseyen eg har kjøpt frå asia har vore av ein annan kvalitet enn den europeisk-kjøpte; den asiatiske er tynnare og med mindre stretch og elastikk. Kan vere greitt å ha i mente om ein har lyst til å bestille frå Asia.

Gode minne samla i eit teppe

Vi har ikkje baby i hus lenger, men “babyteppe” kan vi ha likevel! Dette teppet skal liggje framme i sofaen, og eg skal fryde meg med å sjå på det :-) Her er mange gode syminne samla, og fargar til å bli glad av. Etterkvart skal eg sy eit til, har eg tenkt, då av dei meir jentete stoffa. Gler meg!

Om laginga: Kvar rute er 15x15 cm. Eg prøvde meg med å sy ned saummonnen (dei vertikale saumane som såvidt kan skimtast), men det takla Coverproen dårleg, med masse dumme hoppesting som resultat. Neste teppe blir utan stikningar… På baksida av teppet er det velour (vanleg stretch-chenille frå Stoff og Stil), eg sydde dei to laga saman vrange mot vrange med overlocken før eg kanta med interlock i kantebandsapparatet på Coverproen. Stoffa er ulike bomulls-restar; jersey, interlock, velour og frotté.

Even though we don’t have babies in the house anymore, I enjoyed making this blanket for ourselves, for our sofa. The colours make me happy, and the fabrics bring good memories from five years of sewing! Each square is 15 x 15 cm, a mixture of single jersey, interlock, stretch terry and velour. (Stretch) velour at the back. I stitched the front and the back together wrong sides facing with the overlocker before binding with interlock, using the binder on the Coverpro. I plan to make ine more, then in girly colours!

Katte-t-skjorte

Femåringen skulle i bursdag og ville at t-skjorta til bursdagsbarnet skulle ha kattedyr på seg, fordi han som fylte år var glad i kattar. Løve og tiger og sånn!

Så eg fann fram dyrestoffet til Stoff og Stil, og fann heile fem ulike kattedyr-motiv!

Mønster: Eige, teikna med hjelp frå boka til Winifred Aldrich.
Stoff: Ulike bomullsjerseyar.
Syteknikk, lappane: Festa dei med dobbeltsidig strykeinnlegg. Riveinnlegg på baksida medan eg sydde lappane på med rettsaum. Vil rettsaumen ryke? Eg lurte litt på dette, ein viss risiko er det jo. Men eg trur at så lenge stoffet ikkje blir strekt mykje meir enn normal bruk, vil resten av t-skjorta ta unna før det blir for mykje drag på rettsaumane. Og strykeinnlegget vil også stabilisere, dette varer fleire vask, vil eg tru. 

My five-year-old daughter was invited to a birthday party to a boy, and she told med that he was fond of cats. Lions and tigers! So I fetched the animal print-jersey in my shelf, and cut out five different cat photos for this t-shirt :-) The pattern is self-drawn, with help from the book of Winifred Aldrich (english book).

Ein kollega blei pappa…

Ein liten gut, fekk han, og dermed fekk eg høve til å sy litt baby-klede :-)

Ein body med nitals-opning, ei siklesmekke, og ein pysjpose. Sistnemnte type plagg hadde vi mykje glede av til minstejenta vår (ikkje at det var noko spesielt med henne i høve til dei to eldre syskena, men med dei to kom eg ikkje på å sy pysj-pose…) Lettvint å skifte bleie om natta, og dyna blei ikkje så lett sparka av (mest relevant haust og vinterstid…). Ingen pysj-bein å “gå seg vill i”.

Mønster: Eige på body og pysjpose, begge str. 3 mndr. Maja sitt sikleskjerf-mønster frå boka “Made by me”.
Stoff: Jersey designa av Johanna Ahlard, kjøpt hjå Textart. Blå og grønn einsfarga jersey kjøpt i Sverige? Brent oransje ribb frå Stoff og Stil. Turkus ribb frå Jydsk stoflager. På baksida av smekka er det eitt lag med den turkise ribben.
Link: Her finn du eit eldre innlegg om pysjpose med bl.a. nokre hint om du har lyst til å sy ein sjølv.

A colleague of mine got a son a couple of weeks ago. And I enjoied the opportunity to make som baby clothes :-) The sleep sack is a garment type we liked very much ourselves when we got our third child (never thought of sewing something like that for the first two children). In fact, she wore body and sleepsack every night the first months of her life. I have made a post about a sleepsack earlier, and if you would like to make one yourself, you get some hints how to do it here (the whole post in english, actually :-)

Kantebandsapparat for FOE

(FOE= Foldover Elastic)

Her er “single fold”-apparatet mitt for Coverproen; ei venninne var nysgjerrig på apparatet, så her kjem ein presentasjon! Eg brukar det ikkje ofte, men nå har eg akkurat kanta kjøkkenhandkle med FOE, og då fungerer det supert!

Apparatet er kjøpt hjå Sharpsewing på Ebay, det kostar oppunder 180 kr inkl frakt frå USA. Slike apparat finst for ulike breidder på bandet, denne er for 5/8” band, så eg har  kjøpt FOE som er 5/8” breitt. Eg har ikkje prøvd apparatet til vanleg, vevd skråband. Eg har heller ikkje prøvd det på noko særleg svingar, men på rette strekningar fungerer det veldig fint. Og når stofftykkleiken er jevn og tynn; om stoffet derimot blir tykkare, kan det kanskje bli i utfordring å få nåla til å treffe inne på bandet. Nåla står forresten i høgre posisjon, kjedesting. Apparatet er veldig enkelt å stille inn (eg har berre brukt det med gjennomsiktig fot); stille det inn slik at “støttekanten” lengst framme står parallelt med og inntil syfoten, og deretter stramme skruane.

Here’s a presentation of my single fold binder for my Coverpro. I don’t use it much, but in some cases, like when I made tea towels the other day, it workes splendidly. Bought at Sharpsewing on Ebay, cheap. Several sizes, I bought 5/8” and bought 5/8” FOE at the same time (in other shops on Ebay). Very easy to adjust and use, at least when the fabric is even and thin, but I’m afraid it doesn’t work that well in bends and sewing across seams with some thickness. Maybe it will work with woven biastape too, I haven’t tried. The needle is placed in the right position, chain stitch.

Ein HS&J-kjole til :-)

Niesa vår fylte 6 år nettopp, og etter å ha sydd ein kjole frå Heilt Spesiell og jubel-boka, og syntest møsnteret var flott, blei det ein kjole til!

Stoff: Kattejersey frå Stoff og Stil. Den raud-rosa ribben er også derifrå (eldre type, den nye typen har eg ikkje prøvd ennå). Det lilla stoffet i berestykket er bomull/bambus-interlock frå Strømming Design. Ribben nederst trur eg er kjøpt hjå Jydsk Stoflager.

Glede seg til sommaren med å sy

Femåringen har gått gjennom stofflageret og plukka ut stoff ho likar. Så når eg skal sy noko til henne nå, går eg fyrst til favoritt-bunken og ser kva eg finn der. Og der fann eg dette breistripete stoffet, og leita deretter fram ein liten rest av det tilhøyrande smalstripete. Eg synest kjolen blei kjempestilig, så står det att å sjå om den fell i smak hjå jentungen (fyrste respons var ikkje overveldande positiv… Men det kan jo endre seg ;-)

Mønster: Frå boka til Heilt Spesiell og Jubel. Str. 116.
Stoff: Singeljersey, kjøpt hjå Marthas frisør- og idéstue i Lyngdal.

Kjolen er kanta med samme jerseyen ved bruk av kantebandsapparat på Coverproen. Det går, men eg må fylgje kjempegodt med på remsa, for den vrir seg veldig raskt i apparatet. Ved kanting av dei konvekse kurvene på lommene drog eg litt i lommestoffet for at stoffet ikkje skulle snurpe seg (vanskeleg å unngå snurping heilt).

Romantisk versjon av “Barn igjen-kjolen”

Boka “Barn igjen” kom på salg, og eg kjøpte den for å sy av “Singoallakjole”-mønsteret var ein slager i symiljøet for nokre år sidan. Dette er ikkje testkjolen, den fyrste kjolen har eg visst gløymt å take bilete av. Kjem kanskje etterkvart…

Kjolen er heil-fôra. Kappa nedst er lagt på i lengda i høve til opprinneleg kjolelengde, eg fekk inntrykk av at kjolen var litt kort. Kva for erfaring har de andre med lengda på mønsteret? (Kjolen er sydd i str. 116).

Stoff: Ytterstoff var restestoff kjøpt i ein tysk nettbutikk for fleire år sidan. Kappa og ermane er av Tilda-Stoff frå Panduro. Fôret er tynn bomull frå Midha Enterprice Oslo. Mellomverk kjøpt på ein butikk i Fargerike-kjeden.

Med dyr og astronautar

Astronaut-t-skjorta til 7-åringen er ein favoritt, så nå får han ei ny ei som er litt større og ikkje tynnslitt som den fyrste. T-skjorta ved sida av tippar eg også kjem til å bli ein favoritt, han synest det er moro med ville dyr. Ein leik vi har brukt mykje når det blir kjedeleg for dei små å sitje ved bordet til måltidet er slutt, er “tenkje på eit dyr-leiken”. Så enkelt som at éin omtalar eit dyr (/fugl/fisk/reptil) og dei andre skal gjette kva for dyr det er. Den som gjettar rett fyrst “tenkjer” på dyr neste runde!

Mønster: Boka til Inger Öberg. Forlenga med 5 cm, trur eg det var.
Stoff: Astronautstoffet er designa av Johanna Ahlard, trur eg kjøpte det av Cetho i si tid. Dyrestoffet er frå Stoff og Stil, årets kolleksjon. Stripete Campan frå Hilco (kjøpt i ein tysk nettbutikk). Ribben i begge er frå Jydsk Stoflager, om eg ikkje hugsar feil.

Bodyar og nokre ord om interlock vs. jersey

Mønster: Heilt Spesiell og Jubel-boka. Str. 104 i breidda, forkorta til 98 i lengda.
Stoff: Interlock designa av Johanna Ahlard. Kjøpt av Cetho den gong den butikken eksisterte.

 

Mønster: Eige, men med skulderopning frå boka til Heilt Spesiell og Jubel.
Stoff: Interlock, også denne kjøpt av Cetho.

Denne halsopninga har ikkje vore min favoritt estetisk sett. Men den er så rask å sy at den redda bodyen frå å ligge umontert. Det var så raskt at eg til og med fekk tiltakslyst til å setje på eit merke framme, noko som i utgangspunktet ikkje var aktuelt.

Interlock har gått litt av moten, har eg inntrykk av, nå er det mest (singel-)jersey å finne når det gjeld stoff med print. Eg brukar ikkje interlock mykje sjølv heller. Her er nokre ord om (bomulls-)interlockens eigenskaper: Interlocken er dobbelstrikka, og er dermed litt tykkare enn jersey. Det gjer også at den ikkje rullar seg i kantane, og det gjer den mykje meir handterleg å sy av. Den vidar seg lett i breidda, men trekkjer seg ikkje like godt saman att, slik jersey gjer. Interlock kan derfor av og til bli litt “slaskete”, men den fungerer veldig fint på tettsitjande plagg som bodyar og singlettar. Då føyer den seg fint etter kroppen, og blir ikkje sitjane som eit pølseskinn på samme måten som jersey kan gjere om plagget er litt smalare enn kroppen. Nokre ord om tøyelegheit i lengda høyrer også med, for interlocken strekkjer seg veldig lite i lengda. Det er medverkande grunn til at den er lettare å sy i enn jersey; saumen bølgar seg ikkje like lett. Men det gjer også at eit barn ikkje kan vekse like lenge i ein interlock-body eller –sparkedress enn i ein av jersey. Korleis ser ein forskjell på interlock og jersey i praksis? Om ein ser nøye på stoffet, har det vertikale riller både på fram- og baksida. Vranga kan gjerne brukast som rettside (einsfarga/gjennomfarga stoff har ikkje noko rette og vrange). Jerseyen har berre vertikale, tynne striper på rettsida, medan det har meirhorisontale, løkkeaktige riller på baksida, ein miniatyrversjon av ein klassisk, heimestrikka ullgenser.

Interlock vs. jersey del II (25/5-14):

I Norge brukar vi berre  å seie “interlock” og “jersey”, men eigentleg er “jersey” eit vidare namn på strikka stoff, som omfattar både interlock og jersey (utan at eg kan så veldig mykje meir om stoffstrikking enn dét…) Så i utlandet kan ein sjå at interlock kallast for “interlock jersey”, og det vi kallar for jersey for “single jersey”. Kanskje nokon som har gått og stussa på dette?

Elles er det lettare å forklare forskjellen på baksida ved hjelp av bilete i tillegg til berre ord:

Om vi ser litt nærare:

Ganske så likt på rettsida og vranga, ikkje sant? Legg også merke til at klippekanten ikkje rullar seg. Dette bidrar også til at det er lettare å sy i interlock enn jersey. Klikk på biletet for å forstørre det :-)

Her er baksida på jerseyen, nokon som kjenner den att frå ein av sine heimestrikka gensererar? :-) og klippekanten, den rullar seg… Framsida er ikkje så allverdens ulik interlocken. Og for ordens skuld: I båe stoffa er stretchen (hovudsakeleg) sidevegs, og “trådretninga” nedover. (Men mange jersey stoff har mykje stretch i lengderetninga også).

Ha ein fin kveld, nokon som skal sjå Selfridge’s, kanskje? :-) (Det skal eg!)