![IMG_97741 IMG_97741](http://lh4.ggpht.com/-KJLnQjaSQgk/TgzLb0kYOsI/AAAAAAAAAnA/5kkVZ56f7F0/IMG_97741_thumb%25255B2%25255D.jpg?imgmax=800)
Gravid. Trøytt. Mykje tid til å tenkje, lite ork til å sy. Men mønsterteikning (og nå også blogging) går nokså bra, og for oppunder ein månads tid sidan såg denne kjolen dagens ljos. Målet var å lage ein kjolemodell som var sommarleg, men likevel dekkjer skuldrene for sola, og samtidig så enkel å sy at ein ikkje ein gong treng glidelås.
Bak er det faldar, og inni den eine falden er det skjult ein splitt øvst, og denne er lukka med trykknappar. Men KAM-knappar av plast i ein farge som matchar stoffet blir knappane veldig diskrete. Kjolen er kanta med skråband både oppe og nede og på armane, ein annan ting som gjer den rask å sy. Denne kjolen er sydd av eit litt kraftig bomullsstoff (eigentleg ein duk), og kan derfor klare seg utan belegg, vrangsying o.s.v.
![IMG_97761 IMG_97761](http://lh5.ggpht.com/-kIjc9FeJAjY/TgzLc7n9_aI/AAAAAAAAAnI/LVKEv9DgXlk/IMG_97761_thumb%25255B2%25255D.jpg?imgmax=800)
Det var opprinneleg meininga å ha fire knappar på brystet, to på kvar fald øvst. Men då kjolen var nesten ferdig, såg den både japansk og litt 60-tals ut, så eg sydde på to kvite striper på tvers for å forsterke den japanske look’en, og eit par store, kvite knappar eg hadde liggande, eg får litt 60-tals-feeling av dei. Dei kvite stripene er heilt enkelt kvitt skråband bretta på langs før påsying.
![IMG_97811 IMG_97811](http://lh5.ggpht.com/--_oxly9n6fU/TgzLePkwgwI/AAAAAAAAAnQ/zmEcPmYso78/IMG_97811_thumb%25255B2%25255D.jpg?imgmax=800)
![Design by Annwes mindre storleik hjørne Design by Annwes mindre storleik hjørne](http://lh5.ggpht.com/-D9oEdSozJw8/TgzLfCagwKI/AAAAAAAAAnY/ErEEXzp54NQ/Design%252520by%252520Annwes%252520mindre%252520storleik%252520hj%2525C3%2525B8rne_thumb.jpg?imgmax=800)
Ingen kommentarer:
Legg inn en kommentar
-Kjempekoseleg om du har lyst til å seie hei!
-You're welcome to place comments in english!
-Svenska kommentarer gjör mig glad, danske kommentarer er sjov!
-Ich verstähe auch ein bischen deutsch, doch ist englisch mehr sicher, you're welcome anyway!