Tutorial: Kantebandsfot/skråbandsfot for symaskin

Har du ein skråbandsfot som ser omtrent slik som dette ut, og som du slit med å bruke? Kanskje eg kan hjelpe deg. Sjølv har eg Pfaff, men har oppdaga at foten til Janome jubilee 85 er heilt lik, bortsett frå sjølve festet til maskina.

Stoff: Bomullslerret eller anna vevd stoff på samme eller mindre tykkelse. Tynn jersey kan gå, men er vanskeleg (sjå lenger nede). Tykkare jersey går dessverre ikkje (spar pengar til coverstitch-maskin med kantebandsapparat...)

 Klipp ei 24 mm brei remse. Klipp ein spiss i enden.


Før spissen på remsa inn i "den store renna", d.v.s. så langt til høgre på foten som det går an å tre eit stoff:


Bruk ei knappenål til å hjelpe remsa framover:


Slik ser det ut når remsa har kome gjennom foten:


Senk så trykkfoten. Sy nokre centimeter (til dømes fem-seks cm), til du ser at remsa brettar seg greitt, og saumen kjem på plass:


Legg stoffet inn i sporet/"den indre renna":

Sy, medan du held stoffet inni sporet:

Kanten blir 6 mm brei. På stinga til venstre på biletet har eg justert nåla nokre hakk til venstre, medan stinga til høgre på biletet er sydd med nåla i midtstilling (="default"):

Jersey: Jersey må som sagt vere tynn for at det skal funke. Eg har sydd med to typar viskosejersey, der det gjekk fint med den tynnaste, medan eg sleit meir med den som var litt tykkare. Om du ikkje får det til, kan du prøve å brette den øvre delen av remsa bittelitt innover før du matar remsa inn i renna:


Slik fekk eg det ikkje til å fungere:



Søkjeord, bokmål: kantebåndsfot, skråbåndsfot