T-skjorte med Ichtys-fisk til mannen

T-skjorta er sydd etter eit ganske gamalt Ottobre-mønster. M’en i nakken tener som markør for kva som er bak på t-skjorta, eg gløymte å sy i lapp før eg sydde ned saummonnen i halsutringinga. Då er det greitt å berre kunne stryke på. (Klipt ut for hand i full fart). Fisken er klipt ut med Silhouette’n, eg kjøpte fila på Silhouette America.

Eg har ikkje så mange stoff i hylla som passar for herre-t-skjorte for tida. Men dei jersey-stoffa vi hobbysyarar syr av er jo av kjempemykje betre kvalitet enn stoffa i klassiske (billige) herre-t-skjorter, så det spørs om eg ikkje bør prioritere å kjøpe inn og sy litt til mannen framover!

Gjestesyar!

Til tider er syrommet mitt i kjellaren full av folk, for far i huset har sett den stasjonære PC’en der, og litt leiker og kanskje ein laptop med barnespel er det der også. Og her for litt sidan kom også bror min og forloveden på besøk for eit lite sykurs, og vi hadde det veldig koseleg der nede på syrommet, der vi var opptil sju personar samtidig! (rommet er ikkje sååå stort :-)

Bror min A og hans kjære N plukka ut kvar sitt mønster og deretter stoff. A var fyrst ut med å bli ferdig, sidan han hadde eit enklare plagg, og slik blei resultatet:

From time to time my sewing room down in the basement is quite crowded, the whole family spends time there. That’s nice!  I’m the only one sewing, though, but placing a computer or two and some toys there makes it a social place.  A couple of weeks ago, I even had sewing guests, as my brother A and his fiancée N came for a little sewing course. A made this t-shirt, N chose a little more complicated garment, and will finish it later.

Mønster: Ottobre 3/2005, til sals her. Mønsteret er eit relativt tight fit-mønster, men er meint å syast i interlock, som føyer seg godt etter kroppen utan å stramme. Pattern: Ottobre 3/2005.

Stoff: Bomullsinterlock (kjøpt frå tidlegare Cetho), ribben er kjøpt hjå Jydsk Stoflager. Fabric: Cotton interlock.

A hadde lyst på V-hals. Eg tenkte dette var ei utfordring litt i største laget når ein ikkje har sydd med ribb før, så den sydde eg. Om du har lyst til å sy ein slik hals, veit eg at Gekko har hatt ein tutorial på bloggen sin.

Dekoren er av vinyl heat transfer. Og nå har eg typisk gløymt kva dei tre trekantane står for, men det veit kanskje du som les?

Seinare får vi sikkert sjå kva det blir av det ferdig-klipte plagget til N!

Nerdelue

Eg hadde sylyst, men ikkje inspirasjon. Mannen min gav meg derfor i oppdrag å sy lue til han. Og han fann fort ut at han ønskte seg android på den. “Android??”, spurte eg, “skal du ha bilete av ein smart-telefon på lua?” Men nei, det var visst ein robot-aktig logo det var snakk om, fekk eg snart vite. Den fekk med seg eit rumpeakebrett, sidan lua skulle syast for vintervêret utanfor.

Lua blei sydd, og mannens kollegaer sa det var ei skikkeleg nerdelue. Noko dei alle er veldig fornøgde med. Og dei hadde idéar til endå betre motiv, så får vi sjå om det blir fleire luer, eller om det held med denne eine.

Mønster: Mønsteret er laga utifrå metoden eg har skrive om i dette innlegget. Eg la til éin cm i høgda på mønsteret, dvs. totalt to cm frå øyre til øyre. I breidda trekte eg ifrå oppunder 20%, og det var for mykje, rundt 10% ville nok vore betre. Lua har dobbelt stoff heilt nedst (panneband-forma fôr), elles berre eitt stofflag.

Stoff: Eit tykt, interlock-aktig stoff, dobbeltstrikka med bomull på innsida og ull på utsida. Kjøpt på stofstedet.dk. Applikasjonen er i grønn interlock frå JNY(?) og raud ribb frå Stoff og Stil.

2009/-10: Ottobre, større barn og vaksne

Norgeskartet er applikert på (ribb frå Stoff og Stil. Sirklane (skisse av ei CT-maskin) er trykt med tekstilmåling, etter at teikninga på enkelt vis var klipt ut i kopipapir. (Kopipapir er nok langt ifrå det beste, men det funkar til eingongsbruk.)