Enkel topp av Symagasinmønsteret

Det blir litt blogging i rykk og napp for tida. For litt sidan trong eg toppar til meg sjølv så eg sydde denne. Det er samtidig ei omforming av omslagstoppmønsteret til vanleg topp med heil framside. Det er ei nokså enkel ombygging når ein brukar versjonen for minste bysta, sidan denne skjerast i rett horisontal linje under bysta. Då blir det som ein heilt vanleg topp, og det er elastisitetet i stoffet som avgjer korleis den blir på større byste. Cap sleeves som eg er glad i (men ikkje så lett å sjå når mønsteret er mønstra…)

Mønster: Eige, publisert i Symagasinet 3/2014.  Str. M.
Stoff: Gekko. Ribb frå Stoff og Stil.

Variasjonar over eit mønster som snart kjem i salg!

I forrige innlegg fekk de eit preview av eit mønster som kan kjøpast i mars-utgåva av den norske utgåva av Symagasinet. Som i forrige innlegg, har eg testa ut variasjonar av mønsteret, denne gongen mykje enklare endringar enn sist:

 

Etter planen vil det om litt kome forklaring her på bloggen på kva endringane har gått ut på :-)

Mønster: Omslagstopp, gjevast ut i Symagasinet mars 2014.
Stoff: Prikkete jersey frå Textart (som dessverre stengte nettbutikken 1.feb i år…), foto-jersey frå Stoff og Stil, ribb frå Hilco/Sydilla.

Så – dette er veeeeeldig spennande! Mitt fyrste publiserte mønster!

This top is a modified design of my pattern that will be published in the March-issue of “Symagasinet”, a Scandinavian sewing magazine. It comes only in the norwegian version.

Innspurt

Eit lite glimt av noko eg held på med for tida; mønsterteikning, utprøving, justering og meir teikning, sy ny test-versjon… Er veldig nær målet nå…

Forrige test:

 

Og den før dét igjen (har vist den før på meg sjølv, men den endte med å bli med svigerinna mi heim frå haustferie hos oss):

Eitt mønster, fleire variasjons-moglegheiter…

Here’s a sneak peak at one of my projects these days; pattern drawing, test sewing, adjustments, more pattern drawing. I made tops with design like this for the first time some years ago, when I was nursing. But the design is great even for those not nursing :-)

Eit lite sykurs…

Denne flotte jenta skal gifte seg med broren min til sommaren! Og som eit must i prosessen med å bli kjent med familien, har ho nå fått eit svært viktig kurs nede i kjellaren vår: “Lær å køyre overlock”.  (Eller så var det noko med at ho og broren min hadde lyst til å prøve symaskinene, eg hugsar ikkje heilt…)

Ho gjennomførte kurset med glans, ein flott topp sydde ho av Onion 2035-mønsteret :-) Kjempebra, ikkje sant?

This lovely girl is going to marry my brother next summer! The other day she finished her Onion 2035-top that she has made on a little mini sewing course in my basement :-) Isn’t it a great top?

PS: Lyst på overlock-kurs du også? Eg har tre brødre til, alle single ;-)

Innimellom barnekleda…

…kjem eitt og anna større plagg. Eg jobbar med mønster til omslagstopp som kan brukast som ammetopp, og då blir det nokre testutgåver innimellom. Her er ein test i min eigen storleik:

 

Hihi, endeleg fekk eg brukt den vareprøva på raud lebestift som berre har lege i ein skuff i laaaaang tid :-)

I’m working on my pattern for top that can be used as nursing top. This is a test top.

Stoff: Tygfabriken, Karlstad

Ammetopp att / Nursing Top

Eg jobbar med ammetopp-mønster for tida. Denne her blei sydd for nokre veker sidan til ei venninne som nyleg fekk barn. Fleire toppar kjem det til å bli, tusen takk til Sykrokarar som hjelper meg i konstruksjons-prosessen med å oppgi mål på seg sjølv :-)

Toppen er sydd i str. L og litt for stor til meg. Heldigvis viste det seg at den passa godt til ho som fekk den.  Når det gjeld stoff til ammetopp, er eg nokså nøye på at det er ein jersey som har god stretch. Og litt barnslege motiv   ̶  det må vere lov når det er ein ammetopp, synest eg!

My blog statistics show that many german seamstresses have found their way to the blog post of a nursing top I made a few years ago. You are very welcome, and the hits actually inpired me to work more with this design, even though I’m not nursing anynore. I made this top for a friend of mine who got a girl recently. It’s a little bit too large to me on the picture, but fortunately it fit my friend much better :-)

Stoff/Fabrics: Jersey kjøpt hjå Stofstedet, Nord-Jylland (Stofstedet.dk), ribb frå Stoff og Stil (stoffogstil.no)

Scooter- Onion 2035

Hmmm, og eg som aldri har site på ein scooter… Men stoffet er så stilig at eg måtte sy meg ein topp med scooterar på likevel!

Mønsteret er Onion 2035. Då eg sydde kjole av mønsteret (Regnvêrskjolen), sydde eg i ein mellomting mellom S og M, og hadde blant anna ekstra vidde frå livet og ned (delt nedre bakstykke). Denne toppen er ein rein stsr. S som berre er kutta rett av litt over hoftene. Det byrjar å bli ei stund sidan eg sydde denne nå, men eg meiner eg hadde ermane litt vidare enn den smalaste varianten, ermane på Regnvêrskjolen blei nemleg for tronge. Som på Regnvêrskjolen har eg lagt til litt under bysta. Ja, så ein rein str. S var det vel ikkje likevel…

(Det nederste biletet er litt overeksponert, fargane blir litt blasse…)

Det blir nok fleire Onion 2035-plagg!

Stoff: Bomullsjersey kjøpt på Stofstedet, Nord-Jylland (Stofstedet.dk).

Raudt og rosa til meg sjølv

Eg diggar denne fargekombinasjonen (sjåast betre på bileta lenger nede)!

Toppen til venstre er sydd av eit Onion-mønster på ein topp som er heilt enkel i snittet, utan innsnitt. Grunnen til at eg sydde den med berestykke delt på midten var rett og slett at eg ikkje hadde nok stoff til å ha heile framstykket i eitt stykke.

Knappestolpen på toppen til venstre er ikkje open i toppen, utringinga er allereie stor nok til å kome over hovudet til ein hest… Pyntestolpen på toppen til høgre kjem det forklaring på i neste innlegg.

Mønster:
Toppen til venstre: Onion 5022. Dette mønsteret er utgått, men om ein berre skal ha korte ermar som her, vil eg tru at ein enkelt kan endre frå eit mønster på ein vanleg topp.  Slik, til dømes:

Om ein teiknar av dette på både framsida og baksida, kan ein leggje skulderdel på framstykke inntil skulderdel på bakside for å lage éin mønsterdel for skuldra. Etter at eg hadde sydd på ermane, som altså ikkje når heilt ned til armhola, klipte eg ned saummonnen nederst der det mangla erme, før eg kanta med ribb.

Mønsteret på toppen til høgre er eit klassisk mønster på ein jersey-topp, teikna etter boka til Aldrich. Men det er sydd i str. 36 i staden for 40, som eg vanlegvis brukar. Dette vil heilt sikkert fungere fint til interlock, men blei bittelitt smalt til jersey. Str. 38 neste gong… Eg har korta inn ermane litt, tenkte det ville gje liknande stil som raglan-toppen. Men det funka ikkje heilt slik, ermeavslutninga er for vertikal til å få slike skrå ermar som på raglan-toppen.

Konklusjonen er at raglantoppen er finast  når eg skal ha ein topp med korte ermar (til meg i allefall.) Men om eg derimot skal ha lange ermar, passar ikkje raglan-ermar meg så godt (skuldrene blir altfor runde), då vil eg heller ha vanlege ermar (“set-in sleeves”).

Stoff og tilbehør:
Den stripete jerseyen er enten frå Stoff og Stuff, eller så er det Campante frå Hilco. Eple-jerseyen er kjøpt i Danmark, finst hjå mange butikkar der, og i Sverige hjå Jofotex. Er det Jofotex som har fått det trykt opp, tru? Raud ribb frå Stoff og Stil. Knappar frå Textart.

Romantisk retro?

Eg har eit Onion-mønster på ein topp som er meint å bli sydd i fast stoff, og som er som ei slags bondebluse med korsettaktig liv. Eg tenkte å prøve med på blusa i jerseystoff. Så mange romantiske stoff i jersey har eg ikkje, men retrostoff kan vel duge dei også?

Toppen er i heilt kvite stoff, noko eg ikkje klarte å få fram på kveldsfotografiet over her. Toppen fotografert i dagsljos:

Mønster: Utgangspunkt i Onion 5018
Stoff: Kvit jersey frå Fabric.com, Cirkus-jersey frå Gekkoshop.no, ribbestrikka, nokså tykk jersey kjkøpt hjå Rainbow tekstil i Oslo. Kanta med interlock frå Fabric.com. Toppen er rynka i halsen, ermane og i empire-livet med gjennomsiktig strikk kjøpt hjå Stoff og Stil.

Når ein verkeleg har nytte av saumbyste

Om vinteren er eg ein frysepinn, og må ha varmt tøy. Og ikkje ope rundt halsen. Eg sette i gang med å eksperimentere med eit cardigan –mønster frå Onion, og her er resultatet:

Eg klipte ut framstykkene på jakka med rikeleg ekstra stoff langs halsen og midt framme, monterte jakka saman med ermar på. Slengte det opp på prøvedokka og draperte i veg. Det var ikkje så lett, så til slutt knytte eg rett og slett ein knute på den eine jakkefronten og fann ut at eg kunne feste den i motsett skuldersaum. Heile greia tok nokså lang tid, av og på saumbysta mange gonger mellom nåling og sying, og eg blei ganske lei.  Og det er heller ikkje reproduserbart om eg blir så glad i plagget at eg vil ha eit nytt… For når det endeleg er ferdig, blei eg godt fornøgd, og trur eg kjem til å like det. Det er forresten litt overlapp midt framme, og så går det innerste framstykket opp i høgre skulder. Det blei til slutt ein “omslagsjakke-genser” :-)

Mønster: Med utgangspunkt i Onion 1029 (enkel cardigan) Mønsteret har eigentelg innsnitt, men det kutta eg ut.

Stoff: Strikka stoff kjøpt for 10 danske kroner pr meter på Jydsk stoflager. Acryl eller noko liknande.

Onion 2035: T-skjorte

Denne blei sydd for litt sidan. Litt for å teste ut mønsteret for t-skjorte, og litt fordi eg trong t-skjorter. Mønsteret på stoffet er artig, men det er eigentleg ikkje heilt mine fargar.

Mønster: Onion 2035 (kjolemønster)
Stoff: Jersey frå Liandlo? Kjøpt hjå Textart. Designa av Johanna Ahlard, trur eg.

Onion 2035: Blomster-tunika

Det var så moro å sy kjole av Onion 2035-mønsteret, at eg har sydd meg ein tunika også! Inspirasjon til denne fekk eg via Gekko sin Pinterest-tavle, der ho hadde pinna tunikaen som dama bak "Skapat av mig" hadde laga. Sistnemnte skreiv at det var greitt å ha dobbelt stoff i bystedelen, og då tenkte eg med ein gong at eg skulle prøve dobbelt stoff med forskjellige stoff i dei to laga.

 

Om mønsteret: Bortsett frå at lengda på skjørtet er forkorta, er bakstykka like som på "Regnvêrskjolen", skjørtet er altså delt bak vertikalt. Eg gløymde å klippe ekstra lengde på bystedelen, men sydde med så lite saummonn som mogleg, så nokre få millimeter ekstra blei det nok. Ermane er den vide varianten, sjølv om dei ikkje er så vide som eg trudde. Igrunnen akkurat passe. Eg trudde dei var for korte og la til 1 cm på lengda, men dette blei 1-2 cm for langt. Kanskje fint slik dei er nå, hengande litt nede på handa, men litt irriterande, eg blir gåande og heise ermane heile tida, liksom. Den opprinnelege halsutringinga ligg ein stad mellom dei to her. Det vil seie at eg har gjort halsutringina litt smalare i nakken også.

Sying av halsen: Dei to berestykka er klipt likt, bortsett frå halsutringinga. Ved klipping laga eg eit hakk i skuldersaummonnen på det rosa stoffet der blomsterstoffet slutta. Fyrst kanta eg det ytterste stoffet. Deretter tråkla eg dei to stoffa saman i skuldersaummonnane (rette mot vrange). Sydde så høgre  skuldersaumen (rette mot rette med bakstykket). Kanta deretter den innerste halsutringinga heilt rundt, sydde venstre skuldersaum og sydde tunikaen vidare som vanleg.

Neste Onion 2035: Ryggen passar ikkje heilt til min rygg, det ser ein på dei skrå rynkene i korsryggen. Det vil altså seie at stoffstykket er litt for langt i diagonal retning, mellom øverst midt bak og nederst i sida. Skal lure på om det blir betre om eg kuttar litt skrått nedover på toppen av mønstert til skjørtedelen, frå sida mot midten? Veit ikkje heilt korleis dette blir med den vertikale saumen. Det er nå vel berre å klippe og sy og prøve :-) Kanskje nokon har gode tips?

Mønster: Onion 2035

Stoff: Mønstra jersey frå Gekko. Einsfarga jerseyar frå??, hugsar eg ikkje. Ribb frå Stoff og Stil.

Satengbluse: Skikkeleg utfordring…

Pjuhhh… Godt å bli ferdig med denne blusa, å sy i sateng er skikkeleg vanskeleg. Og den krøllar seg berre ein ser på den!! Beklager at eg ikkje tok meg tid til å stryke den før fotografering, eg var berre så veldig klar for å bli ferdig med den.

Dette er del 1 i mitt prosjekt med å sy finklede til meg sjølv av nokre stoff eg fann på Stoffshop.dk i Århus.

Om designet:

Det var eigentleg meininga å sy ein topp med brei, ståande krage i halsutringinga, etter å ha googla “satin top” og blitt inspirert av denne. Men min krage blei ikkje jevnt avrunda, det blei knekk-danningar her og der, så eg droppa heile kragen. I staden for blei det sydd på to breie “skjerf” som kan bindast opp til ei sløyfe.

Om mønsteret:

Ei venninne hadde eit eldre Alt om Håndarbeide-blad, der det var mønster på ein heilt enkel, ermelaus topp i fast stoff, med innsnitt i sida. Relativt tettsitjande modell, knappestolpe midt framme. Eg endra mønsteret slik:

Eg fann ut at innsnittet på mønsteret traff litt nedanfor og utanfor mitt brystpunkt, så eg teikna av eit nytt punkt bittelitt lenger opp og inn frå der innsnittet slutta. Teikna så ei linje derifrå og opp i halsutringinga, der eg ville at hovedfolden skulle gå. Klipte langs streken, opna opp så mykje at det gamle innsnittet blei lukka. Klipte opp ei linje nedanfor skuldra også, til ein mindre fold. Opna opp. La nytt mønsterpapir over og teikna inn det nye mønsteret. Det er belegning langs halsutringinga og armane, belegninga er uendra frå det opprinnelege mønsteret.

I staden for knappestolpe framme, la eg inn knepping i venstre skulder og glidelås i venstre side. Og eg fekk endeleg prøvd meg på å trekkje knappar sjølv, etter at knappane for trekking har lege urørt i eit par-tre år…

Sidan det ikkje funka med kragen slik eg hadde tenkt, prøva eg på litt forskjellige løysingar med kanting av halsutringinga, men utan at eg fekk det til særleg bra. Så til slutt sydde eg to “skjerf” som kan knytast på forskjellige måtar, og det blei fint, synest.eg.

Så er eg litt spent på kor mykje eg kjem til å bruke toppen. Eg er verken vant til å sy eller gå med tøy av sateng. Men eg får berre prøve :-)

Om å sy genser i veldig tøyeleg stoff

Tid for å blogge litt att. Denne veka byrja eg på jobb att, etter ein lang fødselspermisjon og deretter ferie. Så den siste ferieveka har eg hatt desperat trong til å sy, som om eg aldri skulle få sy att liksom, og blogginga har blitt nedprioritert. Men i kveld orkar eg ikkje sy, men prøvar meg på litt blogging :-) Moro at du kikkar innom, enten du har vore her før eller berre tilfeldig har hamna her!

I danmark kjøpte eg ein kjempe-tøyeleg, tykk og veldig mjuk jersey, i ein eller annan ullblanding. Fyrste plagg er sydd av stoffet, og det blei ein genser til meg sjølv, og eg trur eg kjem til å bu i den utover hausten! Eg er dessverre ikkje i action-bilete modus akkurat nå, så det blir eit bilete av genseren på golvet (orka ikkje rydde bort all legoen på det kvite bordet heller…)

 

Om å sy i veldig tøyeleg stoff:

Det baud på ein del utfordringar, ja. Eg ville ha rullefald på rysjekanten, og prøva med ein del ulike innstillingar, men gav opp, for stoffet låg ikkje stabilt noko under syfoten. I stadenfor blei det ein tretråds overlock-saum.

Montering med overlock:

Vanlegvis brukar eg 3 4 4 4 i trådspenning på overlocken (9 er max. Huskylock 910). Det er gjerne tråden  gjennom nålene (dei to fyrste av dei fire tala) som begrensar tøyelegheiten, så eg senka trådspenninga på desse. I praksis blei det 2 2,8 4 4, og då blei saumen veldig god. Diff’en på max (2,5). Stinglengda var omtrent 3. Eg prøvde både med normalt trykkfotpress og minimums-press, men det var ikkje store forskjellen.

Opplegg med brei coverstitch-saum:

I utgangspunktet stod maskina (Janome Coverpro 1000 CPX) innstilt slik: 4 - 4 3 (“-“ tyder at det ikkje står i nål i midten), diff. 1,0 og stinglengde 4. Trykkfotpress middels.

Dette gav bølgete saum, og eg prøva å rette på dette slik eg brukar å gjere, nemleg å auke diff’en. Bølgeproblemet blei mykje mindre, men elastisiteten i saumen forsvann, undertråden blei for stram med høg diff. Eg fiksa på dette ved å senke trådspenninga på undertråden, overtrådane også, men fornøgd med elastisiteten blei eg ikkje før eg minska stinglengda frå 4 (max) til ca 3. Då var det eg såg at trykkfoten skuva stoffet framom seg. Så eg senka trykkfotpresset det eg kunne (skrudde skruen på toppen så langt opp eg kunne), og problemet blei litt mindre, men ikkje heilt borte. Men nå kom eg ikkje på fleire tiltak, så eg sydde, og pressa bort ein del av små-bølgene med strykejernet etterpå. Eg prøvde forresten med vanleg trådspenning (4-43) på ein prøvelapp i etterkant, og fekk nesten like elastisk saum som med låg trådspenning (2-2  1,5), så lenge stinglengda ikkje var på max.

Mønster: Onion 5017

Stoff: Kølkær stoff og Hobby, Hammerum/Herning på Jylland

Toppen i vaksen-utgåve

Det var så gøy å lage den feminine jentetoppen her om dagen, at eg måtte sjå korleis det ville bli å lage ein i vaksenstorleik også! Det tok ein del lenger tid, fordi eg nytta høvet til å lage mitt fyrste grunnmønster for overdel til meg sjølv.

Om mønsteret:

Eg tok utgangspunkt i “the close fitting bodice block” i Aldrich si lilla bok. Den er vel eigentleg meint til ein tettsitjande overdel i vevd stoff. Grunnmønsteret inkluderer 10 cm bevegelegheitsvidde/ease, som er mykje for ein tettsitjande jersey-topp. Men pytt, alt treng vel ikkje vere tettsitjande... Innsnitta, som eigentleg går frå bysta opp til overgangen hals/skuldersaum, flytta eg til halsutringinga skrått opp mot midtlinja, skjult under rysjekanten. Det var veldig moro å endeleg flytte eit innsnitt på eit mønster, slik som eg har sett masse teikningar på i bøkene, men ikkje gjort på ordentleg før! Når dette var gjort, er resten av endringane frå grunnmønster til topp nokså like barnetoppen.

Sying:

Denne gongen rynka eg med vanleg 5mm breitt strikk. Sidan rysjekanten uansett ikkje skulle gjennom kantebandsapparatet, var det ikkje så nøye at strikket var flatast mogleg. Stoffet er rynka cirka 2:1, bortsett frå i svingen ved blomen, der det er 1:1/ingen rynking (svingen lagar rynke-effekt i seg sjølv). Eg forsterka også kanten på stoffet i armholene med strikk. Kantinga er gjort manuelt, det vil i praksis seie at eg sydde stoffremsa på rette mot rette med max klippebreidde på overlocken (7 mm). Deretter bretta eg stoffet over til vranga og gjorde ferdig kanten med coverstitch-maskina. Manuelt fordi toppen er sydd i viscosejersey, som fungerer dårleg i kantebandsapparatet.

Blomen er sydd av ei stoffremse som eg rulla og delvis bretta undervegs, frå midten og utover, samtidig som eg kontinuerleg sydde i botnen for hand. Liknande slik ein sydde satengroser på 90-talet, tenkjer eg.

Den raude kanten (rullefalden) er raud fordi det var det maskinene var tredd med sidan forrige topp, eg var utålmodig, dette var ein test-topp. Så sånn var dét. Men det blei fint, synest eg!

Stoff: Viscosejersey frå Stoff og Stil

Ikkje heilt A4

Etter turen til Roma har eg blitt inspirert til å prøve meg på plagg med litt andre detaljar enn dei vanlege ribb-kantane. Det krev at eg må vri hjernen litt, men det er moro også. Ideén til denne toppen fekk eg etter å ha lest månedens utfordring i Utfordringsblogg for søm, der det var eit bilete av eit tre i vårblomstring.

Dette er eit øvingsprosjekt, og eg er godt fornøgd, for det er vanskeleg å lage kragar. Og endeleg fekk eg bruk for saumbysta til noko anna enn fotografering, for bysta var gull verdt til å utforme kragen. Om kragen held etter ein vask eller to, blir spennande å sjå, hehe.

Eg testa ut ein ny metode å kante på, altså, eg har funne det på sjølv, men idéen er ikkje meir original enn at det garantert er mange andre også som har funne det på. I korte drag går det ut på å sy på ei bretta remse stoff der dei to blada blir litt forskyva under påsying. Det blei veldig vellykka, synest eg.

Mønster: Eige

Stoff: Blomsterete jersey frå Ixat på Etsy, einsfarga jersey frå Stoff og Stil, båe stoffa av bomull.

Fleire ammetoppar med omslags-berestykke

Desse er sydd etter samme mønsteret som denne, (bortsett frå armane på den nedste). Fylg linken for ein nærare omtale av designet. Desse to er sydd i ein mjuk og tøyeleg viscosejersey.