Det var så gøy å lage den feminine jentetoppen her om dagen, at eg måtte sjå korleis det ville bli å lage ein i vaksenstorleik også! Det tok ein del lenger tid, fordi eg nytta høvet til å lage mitt fyrste grunnmønster for overdel til meg sjølv.
Om mønsteret:
Eg tok utgangspunkt i “the close fitting bodice block” i Aldrich si lilla bok. Den er vel eigentleg meint til ein tettsitjande overdel i vevd stoff. Grunnmønsteret inkluderer 10 cm bevegelegheitsvidde/ease, som er mykje for ein tettsitjande jersey-topp. Men pytt, alt treng vel ikkje vere tettsitjande... Innsnitta, som eigentleg går frå bysta opp til overgangen hals/skuldersaum, flytta eg til halsutringinga skrått opp mot midtlinja, skjult under rysjekanten. Det var veldig moro å endeleg flytte eit innsnitt på eit mønster, slik som eg har sett masse teikningar på i bøkene, men ikkje gjort på ordentleg før! Når dette var gjort, er resten av endringane frå grunnmønster til topp nokså like barnetoppen.
Sying:
Denne gongen rynka eg med vanleg 5mm breitt strikk. Sidan rysjekanten uansett ikkje skulle gjennom kantebandsapparatet, var det ikkje så nøye at strikket var flatast mogleg. Stoffet er rynka cirka 2:1, bortsett frå i svingen ved blomen, der det er 1:1/ingen rynking (svingen lagar rynke-effekt i seg sjølv). Eg forsterka også kanten på stoffet i armholene med strikk. Kantinga er gjort manuelt, det vil i praksis seie at eg sydde stoffremsa på rette mot rette med max klippebreidde på overlocken (7 mm). Deretter bretta eg stoffet over til vranga og gjorde ferdig kanten med coverstitch-maskina. Manuelt fordi toppen er sydd i viscosejersey, som fungerer dårleg i kantebandsapparatet.
Blomen er sydd av ei stoffremse som eg rulla og delvis bretta undervegs, frå midten og utover, samtidig som eg kontinuerleg sydde i botnen for hand. Liknande slik ein sydde satengroser på 90-talet, tenkjer eg.
Den raude kanten (rullefalden) er raud fordi det var det maskinene var tredd med sidan forrige topp, eg var utålmodig, dette var ein test-topp. Så sånn var dét. Men det blei fint, synest eg!
Stoff: Viscosejersey frå Stoff og Stil
Så fin den er! Veldig søt med rose på. :) Rullesømmen på overlocken min virker ikke, så ny maskin med cover står på ønskelisten.
SvarSlettTakk for kommentar på bloggen min, det setter jeg pris på! :)
Den var søt! Jeg liker den myke stilen du får ved å bruke en volang slik. Rosen er prikken over i'en og den røde tråden er en fin kontrast. Denne blir du nok glad i! Nå er det bare til å vente på finværet...
SvarSlettBeste hilsen og god helg fra Solveig:)