Bodymønster, str. 50

Dette mønsteret teikna nå etter at jentungen blei født, utifrå kva som passar henne nå. Ho er 51 cm lang, og veg ca 3,6 kg. Bodyen er nokså rommeleg i breidda. Sjå bilete av ferdig body lenger nede i innlegget.

Figuren er merka med tal i vertikal retning, bokstavar horisontalt. Under er det forstørringar av biletet over, for å sjå tal og bokstavar litt betre.


1-2: 1,0 cm
1-3: 1,5 cm
1-4: 4,8 cm
1-5: 9,9 cm
1-6: 25,5 cm
1-7: 30,0 cm
1-8: 34,0 cm
1-A: 4,1 cm
2-B: 8,3 cm
5-C: 10,0 cm
To knappar: Midtlinje-sentrum knapp: 1,8 cm (denne avstanden bør ikkje bli særleg lengre)
Linja frå C og nedover er heilt loddrett/parallell med midtlinja.
Skuldersaumen (A-B) fortset 4 mm utanfor B.
Når du har teikna mønsteret, spegelvender du det om midten slik at du får heil front og heilt bakstykke. Halsen er ikkje stor nok til å kome rundt hovudet til barnet, og du må leggje inn nokon form for opning. Om du vil ha knepping i skuldra, teiknar du dette inn på mønsteret slik:

Erme:
To variantar; eitt nokså smalt erme, og éin vidare variant. Dersom du vel det smale ermet, bør du sørge for at det ikkje strammast noko særleg inn ved påsying av ribb i kanten.
1-2: 3,1 cm
1-3: 16,3 cm
2-A: 8,8 cm (vinkelrett på 1-2)
3-B: 5,4 cm (vinkelrett på 1-3)
3-C: 6,0 cm

Om designet og storleiken:
Bodyen går eit stykke ned på hoftene, dvs avstanden mellom 6 og 7/8 er relativt kort. Dette går bra sidan beina til nyfødde er nokså tynne, men ønskjer du større plass til låra, flyttar du talet 6 oppover (kortare sidesaumar). Bodyen er såpass vid over magen og skuldrene at den truleg passar fint til str. 56 også, om ein aukar litt i lengda på magen/ryggen og ermane (pass på at erme-endane ikkje blir smalare enn i str. 50, heller bittelitt vidare). Om du skalerer opp, bør du også gjere opninga til beina større ved å gjere sidesaumane kortare.

Kanting, ulike alternativ:
-Ribb med kantebandsapparat på coverstitch-maskin
-Ribb etter samme type som over, men med tvillingnål, utan coverstitch-maskin 
-Dobbelbretta ribb (evt. jersey) sydd på etter mål, (håpar på å leggje ut meir info seinare)
-Hurtigvariant av metoden over; sy ei remse på fortløpande
Ved alle desse metodane klipper eg utan å leggje til noko for saummonn der det skal kantast. Dette forutset at dobbelbretta ribb er like brei som saummonnen (ytterste centimeteren på stoffet går med til saummonn, men så er ferdig kant til gjengjeld 1 cm (klipp 4 cm brei remse).

Her er ein body sydd etter mønsteret:


Bodyen har smale armar. Alle kantar er sydd på med overlock etter hurtigmetoden (remse sydd på under varierande av drag, ikkje ferdig-oppmålt på førehand). Eg kunne ha drege litt meir i halsutringinga, men den fungerer greitt likevel. Eg sette i tre knappar i skrittet, og det blei litt for breitt, synest eg.

Stoff og tilbehør:
-Jersey kjøpt hjå Marthas frisør- og idéstue i Lyngdal.
-Trykknappar frå Stoff og Stil (for å bruke dei opp, kjøp heller knappar ein annan stad)