Musikalske t-skjorter

Eldstemann var i dobbelbursdag til eit par gutar som fylte åtte år. Sidan bursdagsbarna kjem frå musikalske familiar, tenkte eg at eg skulle bruke gitarstoffet eg kjøpte på Symessa i november. Den eine har namn på E og den andre på F, dette gav notevalet på t-skjortene. G-nøkkelen og nota kjøpte eg på Silhouette-nettbutikken. Eg blei veldig godt fornøgd med t-skjortene, og synest det blir veldig fint med den der Silhouette-maskina som klipper ut vinyl-strykemerker!