11.08.2013

Jersey-shopping i Sverige

Vi har akkurat kome heim frå Sverige-tur, og eg har fylt på stofflageret mitt med jersey-stoff/trikå-tyger!

We have just come home from our summer trip abroad, this year we went to Sweden. I shopped jersey fabrics, because you get a wider range of those fabrics in Sweden (and in Denmark) than in Norway.

tyg-shopping i sverige

Kartet viser sånn omtrentleg ruta vår (litt lenger nede står det om kva elles vi gjorde):

Stoffbutikk 1: Tygladan i Vänersborg


Nettside: http://tygladan.se/
Facebook-side: https://www.facebook.com/Tygladan

Tygladan/Tygfabriken er ein kjede med hovudsenter i Vänersborg. Dei tar i stor grad inn dei samme jersey-stoffa som dei andre butikkane eg besøkte, men til absolutt beste pris; 120 SEK for mønstra/trykt jersey/trikå, og 85 SEK for einsfarga jersey/trikå. Sjå på heimesida og Facebook-sida for å sjå bilete av stoff dei har. God utval av jersey, dei hadde minst 70-80 ulike mønstra, tenkjer eg. Av andre kles-stoff hadde dei litt forskjellig, men ikkje så godt merka med type kvalitet (bomull, polyseter, ull, etc).

Kjøpt hjå Tygladan:

Jersey Tygladan

2. Jofotex i Söderköping

Nettside: http://butik.jofotex.se/

Dette er ein butikk som er velkjent frå nettet for mange norske heimesyarar, kjent for blant anna interlock med kaniner eller elefantar på, eller landskapsstoffet på biletet under. Nå har dei ikkje desse interlockane lenger, men nokre av dei gamle motiva er trykt opp igjen på jersey.

Jofotex er ikkje billigaste i klassa, dei tar 139 SEK for mønstra jersey og 119 SEK for einsfarga. Men til gjengjeld hadde dei eit kjempestort utval av jersey. Og då eg fortalde den hyggelege dama i kassa at eg hadde høyrd rykte om ein rabatt for nordmenn, blei ikkje slutt-prisen så veldig mykje høgare enn Tygladan likevel :-)

Jofotex har også ein god del andre klesstoff også, nokonlunde likt Stoff og Stil på den fronten, tru?

Jersey kjøpt hjå Jofotex

 

3. Tygfabriken i Karlstad

Som nemnt lenger oppe er Tygfabriken ein del av Tygladan-kjeden (samme nettside). Samme låge prisar og stort sett samme stoffa. Eg innbillar meg at dei hadde bittelitt fleire einsfarga jerseyar inne, men litt færre mønstra jerseyar enn i Vänersborg. Butikken ligg i eit lagerlokale-aktig hus litt aust for sentrum.

PS: På ferietur med mann og små barn med? Les lenger nede om kvar du kan “parkere” resten av familien under stoff-shoppinga i Karlstad ;-)

 

4. Ohlsons tyger i Karlstad

Nettside: http://www.ohlssonstyger.se/

Denne butikken låg inne i eit kjøpesenter midt i byen og minte litt om “Kid” eller “Princess”, men med klesstoff i staden for dyner. Av butikkane eg besøkte, hadde dei minst utval av jersey, men ikkje så aller verst utval likevel. Dyraste butikk med 149 SEK for mange av dei mønstra jerseyane, men nokon det stod “nyhet” på kosta berre 99 SEK (kampanje?). Einsfarga jersey til 119 SEK. På nettsida deira er ikkje nyheitane til 99 kr med, derimot har dei ein del stoff til 99 SEK som ikkje var i butikken (blant anna det blå/turkis-småblomstra stoffet på biletet over). Det blei ikkje med meg jersey heim frå denne butikken, men eit vevd stoff som eg håpar eg får vist fram ein annan gong.

 

Generelt om ferieturen vår:

Vi reiste måndag morgon frå Oslo. Etter å ha køyrd innom Nordby kjøpesenter like over grensa ved Svinesund, berre for å ha sett senteret alle Harry-shoppar på, køyrde vi vidare til Nordens ark ved ein fjord sånn ca midt mellom Strømstad og Gøteborg. Her går ein ei løype rundt i koseleg skog og får sjå ikkje berre padde, hakkespett og stork, men også tiger, leopard, og ulv mm. Barna kosa seg. Vidare køyrde vi til Uddevalla der vi hadde booka hotell på Coop hotellkupp.

Hotellrommet hadde vi to netter, og tysdag reiste vi på dagstur til Gøteborg og Universeum rett inntil Liseberg. Eit litt-av-kvart-hus med litt akvarium, litt regnskog, litt vitensenter, litt dinosaur-utstilling, romskip-utstilling og krimteknikk-utstilling. for ikkje å gløyme leikerommet i kjellaren. Heile familien kosa seg i Universeum, men vi var glade for at vi var der i slutten av, og ikkje midt i, høgsesongen, for det var ikkje speseielt god plass der. Her har mellomste jenta vår akkurat klart å temme ein dinosaur:

 

I Uddevalla er det faktisk ein stoffbutikk i Tygladan-kjeden på torget, Lilla Tygladan, men eg fekk ikkje til å gå innom, for den opna litt for seint og stengte litt for tidleg.

Onsdag køyrde vi til Vänersborg og mann og barn tusla rundt i området rundt den ganske skjarmerande butikken (Tygladan=Stofflåven) medan eg handla stoff. Hovudstopp for dagen var Ekehagens forntidsby der det var den siste familiedagen i sesongen, med fleire aktivitetar enn andre dagar, blant anna fekk eg prøvd meg som bogeskyttar:

Forntidsbyen låg passeleg til på vegen mellom Vänersborg og Vimmerby. Parken er artig for den som er interessert i natur og historie (steinalder osv), men vi ville nok ikkje ha reist lang omveg berre for denne attraksjonen. På veg til Vimmerby køyrde vi forbi Jönköping, her er det Ohlsons tyger, men utan at vi hadde høve til å stoppe der.

Torsdag nådde vi hovudmålet for turen vår; Astrid Lindgrens Värld. Dette er ein slags “teaterpark” der ein går rundt mellom modellar av stadene i Atrid Lindgrens bøker, medan det spelast teater frå diverse scener. Vi hadde ein kjempeflott dag, einaste dumme var at det kom regn etterkvart. Sidan vi var der såpass seint i sesongen (8. august), var det greitt å få plass på tribunene rundt omkring. Vi fann ganske fort ut at Pippi var aller gøyast, med Emil som ein god nummer to (det var desse figurane barna kjente best til, og dei hadde glede av å sjå teater-stykka sjølv om dei ikkje skjøna svensk). Vi var i parken frå den opna til den stengte, og alle var stor-fornøgde med parken!

Teater i Villa Villekulla

 

Fredag morgon reiste vi nordover, fyrste stopp var Jofotex i Söderköping. Medan eg var i stoffbutikken var resten av familien i ein leikebutikk og ein stor daglegvarebutikk i nærleiken. Vidare køyrde vi til Norrköping, der det er ei Titanic-vandreutstilling nå i sommar. Ikkje like stor suksess med små barn, sjølv om utstilling i seg sjølv var fin. Så overnatta vi i Örebro. Det vesle vi såg av byen på veg til hotellet i sentrum såg veldig koseleg ut, med historiske bygningar og yrande folkeliv ein seinsommar-fredagskveld.

Både i Norrköping og Örebro var det Ohlsons tyger, utan at eg fekk høve til å besøke dei.

Laurdag var dagen for å reise heim, men med ein god stopp i Karlstad. Fyrst blei mann og barn køyrd til parken “Mariebergsskogen” like sør for sentrum. Dette viste seg å vere ein kjempeflott plass for barnefamiliar, med blant anna store leikeplassar. Og eit område med dyr dei kunne besøkje, der det var blant anna hest, ku, geit, kanin og undulat. Gratis inngang, det einaste dei betala for var bruk av minigolf-banen. Wow! I mellomtida var eg på Tygfabriken og dretter på Ohlsons tyger. Sidan Ohlsons tyger låg midt i sentrum, var det enkelt å kjøpe med seg noko lunsj og ete på ein benk saman med familien i den idylliske parken etterpå.

Mariebergsskogen i Karlstad

Mariebergsskogen i Karlstad Mariebergsskogen i Karlstad

Oppsummering:

Mest skjarmerande stoffbutikk: Tygladan Vänersborg
Best stoffutval: Jofotex
Best pris: Tygladan/Tygfabriken
Mest gøy: Astrid Lindgrens Värld

I fjor var vi på familieferie/stoff-shoppingstur i Danmark/Jylland, det kan du lese om her.

7 kommentarer:

  1. Takk for jersey-tips, det er lagret. Mulig Astrid Lindgrens Värld var artigst for hele familien, men stoffhandel gir en viss dose glede det også. :-)

    SvarSlett
  2. Høres ut som dere har hett en flott tur til Sverige! Takk for flotte stoff-tips! Vi var også i Astrid Lindgrens verden i sommer, meg jeg var desverre ikke innom en eneste stoffbutikk på veien..

    SvarSlett
  3. Jeg var på Lille tygladan i Udevalla i sommer! (Vi har hytte ikke langt fra Nordens Ark) Det var en ganske stor butikk med kun stoffer og sytilbehør. Av det jeg ser på nettet ser det ut som den i Venersborg har mye annet som klær og interiør også. Kanskje den i Uddevalla har like godt utvalg på stoffer? Det var ganske bra utvalg av jersey. Tok faktisk et bilde av "jersey-bordet" med mobilen men får ikke til å legge det inn her (går det egentlig ann?) Kanskje jeg skal vurdere å skrive en liten snutt om det på min blogg:)

    SvarSlett
    Svar
    1. Moro å høyre om Uddevalla-butikken! Hadde vore interessant om du skreiv på bloggen din, legg gjerne link her :-)

      Slett
    2. Denne kommentaren har blitt fjernet av forfatteren.

      Slett
    3. Håper det fungerer fra denne linken!
      http://hokuspokusdesign.blogspot.no

      Slett

-Kjempekoseleg om du har lyst til å seie hei!
-You're welcome to place comments in english!
-Svenska kommentarer gjör mig glad, danske kommentarer er sjov!
-Ich verstähe auch ein bischen deutsch, doch ist englisch mehr sicher, you're welcome anyway!

Related Posts Plugin for WordPress, Blogger...