Eg skulle lage genser til minstejenta, eg såg for meg korleis den skulle vere, teikna mønster, sydde. Og så blei det noko anna. Ikkje fyrste gongen dét skjer, og det kjem heilt sikkert til å skje igjen ;-) Men genseren er brukande i massevis, så det er ikkje så farleg.
Mønster: Utgangspunkt i “Flat body block/basic jersey block” frå Aldrich. Denne modellen har 12 cm bevegelegheitsvidde rundt brystet. Også over skuldrane er det ein del vidde. Så det passar greitt til ein college-genser. Ermane er litt vidare nedst enn grunnmønsteret er. I halsen har eg blitt inspirert av Maja og Kristin/Heilt spesiell til å sy retro-halsopning! Eg har ikkje gjort det på barneklede før, berre ei liknande løysing på ein topp til meg sjølv.
Jentungen treng fleire genserar, og neste gong er planen å teikne ein smalare modell, og med… Hehe, dét kjem det nok noko om på bloggen, viss idéane fungerer ;-)
Stoff: Stretch-isoli frå Hilco, stripete stretch-jersey, også frå Hilco. Knappar frå KAM/Lykkedragen.no
Kjempefin genser!
SvarSlettDen konstruksjonsboken har jeg også, og har akkurat begynt å bruke den. Har også den for damer og den for menn. Ganske greie å bruke, synes jeg :-)