Vårens og sommarens jersey-genserar

Vanlegvis likar eg best å sy plagg av fleire ulike stoff. Mest fordi eg er glad i å blande, det gjev større kreativt spelerom, og blir gjerne meir fargar. Det har nokre fine bieffektar å ha dette som stil; Eg kosar meg med å sy av restebitar, og det er også meir økonomisk fordi stoff med prikkar og striper (eller einsfarga) er billigare enn stoff med digital print.

Jo fleire delar som skal syast saman, jo meir tid tar det. Så om det er knapt med tid eller ork/inspirasjon, blir det samme stoff overalt. Nedanfor er ei t-skjorte minstejenta skulle ha med i ein bursdag. Mellomstejenta trong genserar og lika stoffet, så då blei det ein genser til henne i samme slengen.

Avenger-genser

Her er eit par genserar laga av jersey frå fjorårets stoffshopping på Jylland:

Drageryttar-genser

Mellomstejenta på 7 år er glad i drageryttarstoffet eg kjøpte i Danmark i fjor (Kølkær).

Reste-tyning

Jammen var det ikkje litt att av racerbil-stoffet som eldstemann har vore så veldig glad i! Nok til front og rygg på ein genser. Eg likar å kombinere fleire stoff i eit plagg, det kjem godt med når det er lite att av kvart stoff :-)

Grå og lilla genser frå HS&J-boka

Sydd av stretch-isoli frå Hilco/Sydilla. I hetta er det Campan/jersey, også denne frå Hilco/Sydilla.

Genser med søte kattar

Denne genseren er sydd til ei jente som fylte 6 år nyleg. Det søte kattestoffet kjøpt hjå Olivias passa godt :-) (Fargane er dårleg gjengitte, altså)

Jenta er slank, og dermed sydde eg ein slankare variant enn dei genserane eg syr til eigne jenter. Enklaste måten å gjere dette på, er å bruke samme mønster, men ein storleik mindre (evt. to, hugsar ikkje kva eg gjorde her), og så auke lengda på ermar og nederst på genseren slik at lengdene svarar til barnets lengde (ermelengda og  rygglengda/frontlengda i den storleiken som svarar til barnets lengde).

Sløyfe-genser til treåringen

Det er lenge mellom kvart design-stykke eg lagar for tida. For nokre år sidan hadde eg skikkeleg sydilla og låg og designa klede i hovudet før eg sovna om kvelden og brukte alle ledige minutt til å sy. Slike diller varer gjerne ikkje for alltid, og nå syr eg mykje mindre. Men for litt sidan fekk eg ein idé eg hadde lyst til å setje ut i livet, og dette blei det denne sløyfe-genseren av:

Stoff: Bomullsjersey, kanta med ribb frå Stoff og Stil.

Syinga har forresten vore i restemodus i heile haust, dette forklarar at det er forskjellig farge på ribben i hals og på kvar arm. Man tager hva man haver, og eg synest også det er fint med ulike fargar :-)

Det har forresten blitt sydd ein god del tynne jentegenserar i haust, dei er veldig praktiske. Og når Janus har byrja å selje kvalitetsullstoff, kan ein sy godt ullundertøy også!

Genserane til venstre er sydd av Janusjersey (eller var det tynn ribb, tru?), genseren til høgre er av eit bomulls/polyester-stoff som er litt flecce-aktig. Kjøpt i ein tysk nettbutikk for ein del år sidan.

Det snør!

Ullgenser til seksåringen: Denne er sydd av tykk og god sportsull frå Janus (tykk frotté). Applikasjonen er ein test på korleis det er å kutte ut stoff med Silhouette’n. Det gjekk, men ikkje superbra, det var for tynt og kniven tok med seg stoffet litt undervegs. (Eg strauk på Vliesofix bak stoffet, tok av papiret og klistra stoffbiten på kuttematta med limsida ned. Knivdjubda hugsar eg ikkje, måtte prøve meg litt fram, endte eg på 7, tru?)

Mønster: Eige
Stoff: Janus (fargen på det øvste biletet ikkje så aller verst gjengitt). Applikasjonsstoffet er quiltestoff.

Og dessutan: Jenta ønskte seg ein nattkjole, så eg tok samme mønsteret og skrådde ut og forlenga:

Fleire jersey-genserar

Det lilla stoffet med ugler og diverse på likar eg veldig godt. Faktisk klipte eg ut av mønsteret til “verdifull-jakka” (forrige innlegg) av dette stoffet aller fyrst. Men eg fekk kalde føtter. Rett nok kan eg finne på å gå rundt i diverse litt rare, sjølvkomponerte kreasjonar, men det er grenser for kor mykje merksemd eg likar å tiltrekkje meg, tenkte eg. Så det blei omklipp, og det blei ein genser i str. 122 i staden for :-) (Og eg synest verdifull-jakka blei mykje betre slik den blei!)

Og eit par genserar til veslesyster også:

Genseren med det svenske landsbygs-stoffet blei umiddelbart helsa varmt velkommen av jenta på litt over tre år!

Mønster: Ottobre 1/2013, design nr. 10 (den øverste er gradert opp til str. 122).
Stoff: Singel-jersey: Det øverste er kjøpt av Ixat sin nettbutikk borti Asia den gongen ho (innbillar meg at det er ei dame…) var på Ebay. Landsbygdstoffet er frå Jofotex, og skooterstoffet er kjøpt enten i Sverige eller i Danmark (kan kanskje kjøpast hjå Kreativ i Norge? (pppp.no)).

Nå har mellomstejenta, akkurat fylt 6 år, fått til saman tre slike nokså smale jersey-genserar. Konklusjonen i dag var at ho ønskjer seg fleire :-)

Tyning av stoffrestar!

Tidlegare har eg samla på velour i ulike fargar, det er moro å kombinere ulike stoff. Då eg byrja å sy i 2009 la eg meg opp eit kjempestofflager, og dette har eg tæra på i over to år nå utan å kjøpe særleg nytt. Men nå går det mot slutten (det er generelt mykje sotff i hyllene ennå volummessig, men det er ikkje så veldig mange store stykke att). Kanskje dette er siste guttegenseren før eg må kjøpe inn nytt. Eg synest den blei veldig fin sjølv om den er laga av restar, så små bitar treng ikkje vere noko hinder for saumen (men det krev litt meir på tankefronten…)

Enten har eg blitt sabla god til å klippe i vinyl til å stryke på, eller så har eg gått til innkjøp av ei kuttemaskin. Og det er det siste som er tilfelle, eg har kjøpt ein Silhouette portrait, kjøpte samtidig eit par rullar flocked vinyl. I skrivande stund er det nesten ein månad sidan eg laga denne genseren, og maskina har ikkje blitt brukt til mykje etterpå. Litt fordi eg har det så trongt på hybelen at eg ikkje har inspirasjon til å dra den fram (når eg er i symodus må eg rydde bort PC’en for å få plass til symaskin). Å kunne ha god plass rundt seg når ein syr er verkeleg eit gode.

Mønster: Eige, str. 134.
Stoff: Diverse. Vinyl (flocked) frå Silhouette/Bikuben. Motivet fann eg på ein blogg eller nettsid som heitte SmartE PartE.

Pokemon-genser

Siste plagg i kveldens blogg-race: Genser til eldstegut.

Mønster: Eige
Stoff: Tynn isoli, den prikkete frå Hilco, kassettane hugsar eg ikkje, kjøpt i Danmark, tippar eg. Ribb frå Jydsk Stoflager. Vinyl-figuren ikkje akkurat lett å sjå kva er, klipt ut på frihand etter ein silhuett på nett. (Men snart, snart kjem det betre klipte merke, for i går kjøpte eg nemleg ein Silhouette Portrait!)

Kjekke jersey-genserar

Eg har hittil sydde det aller meste av tøyet til barna (utanom vinterdressar, regntøy o.l.), men siste året har eg kome på etterskot. Mellomstejenta treng genserar, og ho likar tynne jersey-genserar.

Mønster: Ottobre 1/13, design nr 10. Gradert opp frå 116 til 122.
Stoff: Rosaprikkete stoff kjøpt hjå Textart. Dalahest-stoff kjøpt på Jofotex. Stripete stoff frå Hilco, kjøpt frå Sydilla, tru? Ribb frå Stoff og Stil. Det einsfarga stoffet er kjøpt i Sverige.

Refleks-M

Genser i bursdagspresang til gutta har blitt ein slager :-)

Øverst med blitz, nederste utan blitz.

Mønster: Eige
Stoff: Ullfrotté frå Janus. Refleks-vinyl frå Sydilla. Ribb frå Jydsk Stoflager, tru?

To guttegenserar med ull-fôr

Som tunikaen i forrige innlegg er også desse fôra med ullfrotté. Deileg og varmt blir det!

Mønster: Eige, str. 8 år
Stoff: Rakettjersey (bomull) frå Tygladan.se, blå ribb frå Jydsk Stoflager. Robot-interlock (bomull) og ribb frå Stoff og Stil. Ullfrotté frå Janus.

Warm and comfy sweaters with cottonshell, lined with quite thick woolfabric. Mmmmm!

Gult er kult!

Femåringen i huset er glad i gult. Dette gule stoffet blei kjøpt med henne i tankane då eg var på shopping i nettbutikken Textart for litt sidan. Eg hadde høyrd at denne isolien var mjuk, stretchy og god, men at den var såååå mjuk, hadde eg ikkje trudd! Ein får nesten litt sånn semska skinn-feeling når ein tar på det :-) Heldige jente, eg har også lyst på genser i slikt stoff!

Mønster: Boka til Heilt Spesiell og Jubel: “Omslagsgenser”, str. 116. La til 9,5 cm i lengda inkl drøye 2 cm oppleggskant, og 4 cm i breidda nedst på kvar side av framstykke og bakstykke. Det vil seie, eigentleg la eg til 4,5 cm, for eg aukar alle saummonnar frå 0,5 cm til 1 cm. Tunikaen blei prøvd i dag, den er ikkje veldig vid (nå er heller ikkje jenta veldig smal heller). Nokså lang i ermane, men det skal nok gå når berre ribben er stram nok til å halde ermet oppe. Greitt å ha litt å vekse i også.

Materiale: Gul isoli med stretch og børsta bakside frå Textart.no. Stjernevelour frå JNY. Ribb frå Stoff og Stil. Fôr i hetta er “Campan”/bomullsjersey frå Hilco/Sydilla.no.

Eg sydde av “omslagsgenser”-mønsteret før jol også, då skulle jentungen vere esel i jolespel i barnehagen, og trong grå klede. Fint å ha noko som kan brukast seinare også, tenkte eg, og sydde ein genser utan esel-detaljar. Ferdig i siste lita, rakk såvidt eit bilete, og sendte genseren til barnehagen. Og der har den vore sidan, dei skal ha fleire spel, skulle det vise seg… Mønsteret er fylgd slavisk, synest eg å hugse. Grå velour frå Textart, bomullsjersey frå Ixat inni hetta.

 

My five year old daughter loves yellow, and I ordered the yellow isoli fabric for her. Only one shade of yellow would be little bit boring (or easter chicken), so I added som more fabrics, as I usually do :-) The grey sweater is an exception from the “multiple fabrics rule”, because it was made when the girl was going to play donkey in a christmas play in the kindergarden and needed grey clothes…

Fordon-genser

Denne genseren fann eg i bilete-katalogen for november, så det har vore lite tid til blogging i det siste, ja. Eldstemann hadde den med seg i burdagsselskap til ein klassekamerat med namn på “M” i november. “Fordon”-stoffet til Johanna Ahlard er veldig stilig, JNY.se har faktisk noko igjen av det ennå, men i jersey i staden for velour, og andre fargar. Fargane på denne genseren er forresten ikkje heilt rett gjengitt, både velour og turkis er vanskeleg å fotografere fargemessig.

Mønster: Eige
Stoff: Velour, den mønstra er kjøpt hjå Fabelblå. Den turkise hugsar eg ikkje. Ribben er frå Jydsk-stoflager.dk, butikken alle sygale på ferie på Midt-Jylland bør besøke :-)

This is a birthday present for a classmate of my eldest child. It is made of velour designed in Sweden by Johanna Ahlard.

Bursdag III / Birthday III

Dette er ein type motiv eg har tenkt på å lage i fleire år, og endeleg blei det laga! Ei fiskestong/fiskesnøre som kan fylgjast nedunder vassoverflata. Og kva som er der under vatn. Det har ikkje vore noko bestemt plan for akkurat kva som skulle vere under vatn, eigentleg. Idéen om haien kom då mannen min nemnte “hai” her om dagen, då vi snakka om kva klassekameraten til eldstegut skulle få i bursdagsgåve.

Mønster: Eige, str. 6 år
Stoff: Velour frå ??. Ribb frå Jydsk stoflager, Jylland. Båt/fiskestong: Ribb frå Stoff og Stil. Vinyl transfer frå Ebay.

The idea of a motive where we can follow the fishing line down under water was born long time ago, and at last I have put the idea into action! Our son was going to a birthday party to a classmate, and when we talked about what to give him, my husband mentioned “shark”. So I made a shark :-)

Bursdagsgenser med “folie”!

Ein dag kom det hentemelding i posten, pakka viste seg å vere ein rull med vinyltransfer som ser ut som aluminiumsfolie. Eg skjøna ikkje bæret, men det viste seg å vere bror min som hadde vore på Ebay og shoppa til meg! Thanks!

På tide å teste ut… Det passa fint at eldstemann skulle i 6-årsdag til ein klassekamerat (det er heldigvis framleis ok å take med eit plagg mamma har sydd :-)

Mønster: Eige.
Stoff: Den mjukaste, deilegaste ljosegrå velour frå Textart, trur eg. Bilstoffet er dansk, men dessverre utselt. Den litt grove ribben, som gjer at velour transferen blir ruglete, er frå Jydsk Stoflager (kr 10,-/meter). Det vesle merket med raude og kvite striper er ripsband frå Stoff og Stil.

Det er forresten dei gråaste bileta (nr to og fire) som viser velourfargen riktigast, desse er tatt med blitz. Dei brungrå er tatt med utan blitz i kunstljos. Hmmmm, er det fleire enn meg som synest dei to farge-avbildingane minner om Knott frå Nidar?

Some weeks ago I recieved a package without knowing why. It appeared that my brother has ordered aluminium foil-like vinyl transfer for me on Ebay :-) Time for trying it out, here it is on a sweater I made when my son was going to a six year old birthday pary the other day. By the way, I’m grateful that he still think it’s ok to bring clothes his mom has made for presents :-) “LM” are the initials of the birthday child, maybe you have already guessed…

Ein genser til frå HS&J-boka

Kantinga i halsen er av ribb frå Stoff og Stil, elles er alt singel-jersey. Genseren er skrådd bittelitt ut ned mot hoftene, sidan den forrige genseren var grei over brystkassa, men litt smal over hoftene.

New Old

Just some photos of last evening’s finished garments… Size 7. My son likes best the clothes he is used to wear, rather than new clothes. (You got such a kid too,  you said? ;-) But either the clothes get worn out or the child’s arms get too long; we know the clothes can’t be used forever! (Sorry, son, that’s the way it works…)

But: We can make some new ones from the same fabrics as the favourites! Yippi!!

(Original photos by Øysteins foto, Mandal and Ariel Foto, Vestby)